الثلاثاء، 5 مايو، 2009

عدّسني يا... !

السلام عليكم...
أدري طوّلت عليكم الغيبة، بس ما هقيت إن شوربة العدس جذي تجهيزها صعب! المهم... أخليكم مع الوصفة رقم واحد لشوربة العدس في الدائرة الثالثة :)





كما ذكر المحامي محمد الدلاّل بأن "الواحد" لازم يكون حريص بأن يتعامل مع الناس بموضوعية و بكل تجرد و شفافية، ما توقعت هذه الورطة التي وقع فيها عن تم سؤاله عن نزول خضير العنزي خارج نطاق حدس و التزامه "بقبعة القبيلة"، فقد قال بأن خضير يمثل القبيلة "الآن"... و لكنه "في النهاية يمثل توجه الحركة الدستورية الإسلامية".. ياخي يا كثر ما تقول "انا باعتقادي!"...

عموما... هالشي يثبت بما لا يدع مجالا للشك بأن التلّون كان و مازال و سيظل صفة ملازمة للحركة الدستورية التي خسرت مقاعدها في المناطق ذات السيطرة القبلية، بسبب موقفها من القروض "الرافض لإسقاطها"، و لعل تبرؤ المرشحين الحدسيين من "حدس" قد يكون السبيل الوحيد للفوز.. و أوله فوز خضير العنزي في الفرعي في الرابعة! و محمد الرشيد في الأولى! و فلاح الصوّاغ في الخامسة!

حقيقة عجبتني جملة بأن الدائرتين الرابعة و الخامسة "لهما تركيبة خاصة و ان القبائل هي سيدة الموقف" ... لا غبار على نقطة بأن "من العدالة عدم اسقاط القروض" لوجود مخالفات دستورية و شرعية فيها"... لكن هل من "الأخلاق" اللعب على الوتر؟ أو خنقول اللف و الدوران على "حسب تركيبة الدائرة" يا حضرة البشكاتب؟ لا صراحة صايدين الحركة حدس!

إستريييييييييييييييح !!

البوست القادم إن شالله ممتع... يليه حفل غداء مقام على شرفكم أخواني و أخواتي المدونين و المدونات في مطعم Little Caesar السرّة .. و الدعوة عامة!

هناك 11 تعليقًا:

Enter-Q8 يقول...

قاعد اقول و ين قيصر حدس غط

حدس للمصداقية نسف و تحوير

سرقالي يقول...

ملاحظه جيدة ... بس هذي السياسه ... التهرب من الجواب المباشر هو سيد الموقف

nEo يقول...

hehehehehehehehehe

شيطان الدلال

سرحان يقول...

Enter-Q8

انطر القيصر بالبوست الياي :)

سرحان يقول...

سرقالي

يا ليتها مسألة تهرّب.. تهرب و تلوّن

سرحان يقول...

nEo

هو انته حتؤللي؟ :)

شيطووون ولدنا :)

nEo يقول...

ابي دعاية اسيل اللي على اليسار شلون ؟

ma6goog يقول...

القبعات الست

أبو الدســتور يقول...

قالها بالويه

فرعيات الدائرتين بتحدد النتايج

الفنان يقول...

اذا قلت لي ان الديرة هني فيها نسبة 20% يصوت على عقل .. ولمصلحه الكويت

والله لطقلك تحية ...

ياعمي صل على النبي

الكويت مفككه من راسها لي كرياسها ييات على حدس...وشلون ينزلون ربعهم


ولا هذي الحركة بالذات لها اعداء وايد وما تدري من طقاقها مووو لان اعضاءها مو زينين لأ
لان باعتقاج بالعض ان حدس تسعى للسيطرة على الحكم ..
او تعتقد اذا صارت الاغلبية لحدس
الكويت راح تصير مثل السعودية

يبا السالفه على الكل ترى

القبلي ما يفكر بالكويت .. ولا جدن ياب الكويت .. يفكر ... بعقل تتافه
تخلييص معاملات خدمة القبيلة على حساب الوطن

ولا كل يوم نسمع (( واكرر القبائل خط احمر ))

كلام فاضي

البعض مو الكل

والشيعي يبي الكويت تصير شيعيه
والسني مسكين .. مقسم الله قسم

والسلفي .. يبون اييبون الكعبة هني
وبقطعون رووس الناس

والعلماني يبي الكويت تصير سرسره وخمر مثل دبي والبحرين ...

والكل يعطي صاحبة يسوى ولا ما يسوى
ولا عضو مثل هايف يوصل المجلس
كلام ما يعرف يتكلم

.. وحدس كلهم 3
شاقينهم شق على شان القروض

وهذا هايف
كرهنا بشي اسمه دين من وراه

انا قمت لي شفت مطوع حدس ولا سلف
تلوع جبدي

بس الحق ينقال

اعضاء حدس ناس نزيهين .... وانا بنفسي اطلعت على نقاط استجواب رئيس الوزراء

من موقع حدس

صراحه كلام كبير ...ناس تبي مصلحة الكويت


بالاخير ... شوف انت ريال سياسي

وانا ما اعرف وايد بالسياسة ..
لكن ما شفت احد يصوت لمرشح بقناعه 100%


ولا شعب يطالع بوخرشد .. الثاني الدايخ بوعيدة
وين يبي يوصل

الله كريم ...
والدليل على كلامي .... شوف نسبة التصويت .. شلون بتقل وتعرف صحت كلامي

اسف اسف جدا اذا غلط بكلامي
ولا طولت عليك
حبيب تسلم تقبلني
:)

غير معرف يقول...

Little Caesar السره مو متعدي على أملاك الدولة!