الأربعاء، ١٢ أغسطس ٢٠٠٩

اللي قاعد أشوفه صج؟ ولا يتهيأ لي؟

صبحكم الله بالخير... المعاق اللي إعتدى عليه رجال الداخلية (مثل ما يقول... مادري صراحة صج ولا لأ!)... تصدر الأخبار بالأيام الأخيرة... و ما طنطن على موضوعه أحد كثر جريدة الوطن و هذي اللي مشككني بالسالفة كلها، و صراحة كونه معاق (إذا كان صج) يخليني أحاول إني ما أرمي أي تهمة جزافاً خصوصا بحق أي واحد من أخواننا المعاقين، يمكن سالفته تكون صج أو مو صج و حب يستغلها البعض لتصفية حسابات.. هذا خبر بجريدة الوطن اليوم...




لكن صراحة... أول ما شفت الصورة ذكرت شي صار من شهور...


.


.


.


.


.


.


.


هو نفسه صاحب إعلان الفالنتاين مدفوع الثمن اللي نزل بالجرايد فبراير الماضي!

مادري شقول!!!

هناك ٢٢ تعليقًا:

Faisal يقول...

في بيزتين، تقدر تسوي كل شي.

وفي بيزتين، تقدر تغير وايد ناس.

وفي بيزتين، تقدر تلقى ناس تصنع الأحداث.

هابي فالنتاين داي مسيو عزيز، وينعاد عليك !!

والله مصخره !! كل واحد تطقه المدام يقدر يستغل ضعفه في الشهره !! أخس على هيك أخلاق

ChEMiCaL-ENG يقول...

السلام عليكم


الموضوع صحيح الرجل معاق


صار له حادث سيارة قبل كم سنة و هو جاي من الاردن

رفيجه توفى الله يرحمه و هو حاشته اعاقه ذهنية و صعوبة بالكلام و صعوبة بتحريك ايده و الشق الأيسر من جسمه


الله يشفيه و يعافيه

aL-NooR . يقول...

كسر خاطرييييييي
:(
صج معاق ؟
صج اهوا صاحب دعابة الفلانتاين ؟

**************

@alhaidar يقول...

اففففففففففففف


عفية عليك والله ..

شلون تذكرت ماشالله :)

esTeKaNa يقول...

لا حول ولا قوة الا بلله تدودهنا
بس انا من شفت الصورة قلت هالوية مو غريب
!!
ما يندرا شنو الصج

Mohammad Al-Yousifi يقول...

لا تقول شي

حمدالله و الشكر على كل حال

ساره النومس يقول...

الرجل حتى وان وضع اسمه سابقا في الفلانتاين او بمناسبة قدوم مولود جديد له ...

انا شفت برنامج المليق عبدالجليل وشفت كلام الريال مو تمثيل يعني كلامه ثقيل وايد

هالشي ماهمني كثر ماهمتني وزارة الداخلية التعبانة استغفر الله وزارة مثلها في البلد المفروض اهي الوحيدة الي تكون توب يعني بس استغفر الله وزارة الداخلية حدث ولاحرج مسخرة من قلب .. الله يشافيها

ZooZ "3grbgr" يقول...

انا وياك كاتبين عن نفس الموضوع

كيفو سرحان افندم

على فكرة

كان قايل حق مقهور بالمسنجر عن الحادث

بس ما تكلم عن الاعاقه

الله يشافيه يارب

nEo يقول...

LOOOOOL

-mate يقول...

إذا كان كلامه صحيحاً, فأوجه اللوم على الداخلية وهمجية الضباط. حتن لو كان, سكران .. مو من حقهم الاعتداء عليه بهالغوغائية .. وكيف يحكمون أنه سكران بطريقة كلامه فقط دون إجراء الفحص السريع؟؟ هناك العديد من الأمراض التي تصيب الإنسان قد يتكلم كأنه سكران إذاً نضرب كل واحد نشك فيه بدون أن نجري الطريقة السريعة في فحص الكحول بالدم عن طريق وضع جهاز يزفر فيه السائق ..

عندي تعقيب أخير .. إذا كان فعلاً معاق وعلى حسب تعليق كيميكال إنج لديه صعوبة بتحريك الشق الأيسر من جسمه شلون يسوق؟؟ المفروض ممنوع السياقة اللي لكاملي الصحة الجسمية والذهنية وإلا كان خطر بالشارع لغيره

جبريت يقول...

اي والله انه اهو خخخخخخخخخخخخخخخخخخخخ

شلون جذي؟؟؟

Sal يقول...

الله يشافيه ويرحم حاله

ChEMiCaL-ENG يقول...

السلام عليكم

عن اذنك

اخوي mate

الرجل عنده صعوبة صحيح لكنه تجلوز الفحص الطبي و اذكره طلع قبل كم شهر على برنامج خالد العبدالجليل و تكلم عن الموضوع


الله يشفيه

جبريت يقول...

تذكرت شغله


نفس الشخص سوو معاه مقابله ببرنامج خالد العبدالجليل وقال انه راح يرفع قضيه والكلام هذا كان من قبل 4 شهور تقريبا

الدســتور يقول...

اي نعم اهوا
بشحمه ولحمه

حَافِـيَةُ الَقَدمَيّـنْ ولِبَاسِي المَطـرْ يقول...

الصراحه !!
ما استبعد هالشي على وزارة الداخليه
ان جان تذكرون بعد اللاعب اللي تعرض للضرب عشان كان يدافع عن اخته
لما واحد من رجال الأمن تحرش فيها
وما قصروا عيال الداخليه
عطوه اللي ما شافه بعمره
بس ماقول إلا
حسبي الله ونعم الوكيل
اذا هالوزاره مو عادله
بالله اي وزاره مفروض تكون عادله غيرها ؟

خالف تعرف يقول...

لله في خلقه شؤون

الله لا يبلانا

ARTFUL يقول...

والله السالفة فيها ان!!!

في واحد من البلوقرز متابعة قبل جم يوم نزل اعلان ان ياله ولد

غريب هالريال

!!!

غير معرف يقول...

على فكره خالد عبدالجليل
سوى لقاء معااااه


وصراحه لما تسمع كلامه
يكسر الخاطر حييل

خصوصا ان اعاقته يتله بعد ما سوى حاادث



فـ ما ادري هل الحادث اثر على قواه العقليه

عموما مانبي نخلط الاوضاع
وندخل شي ب شي


اذا صج اعتدوا عليه فهذه قمة
المصخره
خصوصا مبين من الصور انه انطق طق سنه ب ساعه

وهذا الشي ما له مبرر

غير معرف يقول...

أهم شي !!! انصدمت اشويه :/

سارة

كويتي شعبي يقول...

سرحان


دش هني

http://www.alamalyawm.com/PrintArticleDetail.aspx?artid=81455

Dalal يقول...

لووول !! ايي ذكرته لا و اذكر ان خالد عبدالجليل مقابله و مسويله لوية بالبرنامج .. و غير جذي كان فيه ايميل منشر بوقتها ان واحد يطرشله ايميلات على اساس انه بنت و المهندس الحلو طرش رقمه على طول لول ما يتعامل ..

والله بشر و بصراحه انا ما اصدق ولا شي من برنامج عبدالجيليل لان كله تمثيل بتمثيل ..
و ان صح الله يشافيه و يستر عليه :)