الأحد، ٢٣ أغسطس ٢٠٠٩

مالي خلق

مساء الخير، و مبارك عليكم الشهر...
.
صراحة ماني عارف شكتب أو شنو أقول... أخبار و أحداث تضيق الخلق وين ما نروح أو نقرا أو حتى نفكر، هذا بالإضافة إلى التلفزيون... برامج - للأسف يسمونها رمضانية- أسفل من السفالة و تعبر عن درجة كبيرة من الإنحطاط الفكري و الأخلاقي! طبعا استهزاء و طنازة البلام و درويش و داوود المعتادة، و ملاقة طارق العلي، و وقاحة و سفالة بو قتادة و بو نبيل كالعادة... حليمة شفييييج؟؟؟؟ هذا رمضان اللي يبونا نكسب فيه و لو شوية أجر! و لا... ضايع هالأجر دام بنشوف هالأشكال و "مجايبها".
.
حبيت أسلّم عليكم... و أهنيكم بالشهر الفضيل، و عسى الله يتقبل منكم و منا الصيام و صالح الأعمال...
.
.
سلامون عليكوووم

هناك ٣١ تعليقًا:

Yin مدام يقول...

أولا مبارك عليك الشهر الفضيل
أعاده الله عليك وعلى أحبابك باليمن والخير والبركة وختمه لكم بالرضا والقبول


ثانيا :

التلفزيون نشغله حق اليهال ونلهيهم شوي وغير جذي ما يسوى تشوف شي فيه لأنه بالنهاية راح يضيع عليك أجر صيام النهار وراح يرفع ضغطك ويجيب لك السكر والقلب بعد
ومشاهدة حليمة بروحها إثم والله
برنامجها بروحه يخسرك ثواب سنة من كثر ما تتحلطم "هذي أنا بس شفت الدعاية !!"

وفي الختام كل عام وأنت بخير
ووو
وعليكم السلام ورحمة الله وبركاته
:))

ZooZ "3grbgr" يقول...

كل شهر رمضان ما أتابع شي من أيام ما كنت بالبنك

ما كسرت القاعدة إلا لما تابعت الدروازة

بجيت على اللي عانوه ايام الطاعون

إلا إيش بها حليمه ؟؟

سرحان يقول...

مدام

و الله حتى اليهال لا تشغلينه لهم!

سرحان يقول...

زووز

و اللي يقوللج إنه ما تابع شي من أيام مسلسل دروب الشك و اكتشافي لبذرة السفالة اللي أثمرت "قناة سكوب".

و حليمة سالفتها سالفة الله يهديها

As YoU LiKE يقول...

مبارك عليك الشهر
وعساك من عواده

واترك عنك حليمة !
امس ع السحور حاطه على mbc
وقاعد اشوفها .. طبعاً حاطه ميوت لأني ما أستحمل صوتها

ماخلصت السحور الا بعد ماخلصت برنامجها .. هذي سجلها عندك، أول مرة تصير بالتاريخ.

حيلك بالثانين ..

Mohammad Al-Yousifi يقول...

مبارك عليك الشهر

انا مقزرها بدر بورسلي برنامج الصفاة

غبرني

lwatan-ajmal يقول...

علينا وعليك يتبارك يبا وهدي من روعك يا عم :):):) ما تعودت يعني ؟؟؟

مَـــــعْــــمَــــعَـــــه يقول...

مبارك عليك الشهر وعساك من عواده

نسيت الع... الخ... قناة سكوب اوقح من الوقاحه ناس ما تستحي ولا تنتخي واذا مو عاجبتكم الديرة ردوا ديركم عيشوا مع اهلكم بالعراق

خربوا رمضان مبجر الله لا يوفقهم

جبريت يقول...

ما تنلام يا خوي ومبارك عليك الشهر الفضيل المفروض يكون فيه شي يدلل على عظمة هذا الشهر

joe يقول...

نبح صوتنا واحنا ننبح ونقول بس لاحياة لمن ننادي

تصدق في برنامجين برمضان مقلدين بعض اول حلقه مسوين تطنز عن بوخرشد الي قلد شهاب حاجيه وداود حسين نفس الوقت ونفس الشغل
وثاني يوم نفس البرنامجين يطنزون على فؤاد الهاشم

Um il sa3af wil leef يقول...

مبارك عليك الشهر ... المسلسلات والبرامج شر لا بد منه

فريج سعود يقول...

مبارك عليك الشهر وعساك من عوادة

لازم تاخذ تطعيم السنة الياية

SHOOSH يقول...

بس بس بس

لا تييييبووون طاري حليمه

الحمدلله انه قاطين برنامجها الفير و الناس نايمه

او عالأقل آنا نايمه

well_serviceman يقول...

علينا وعليك ويتقبل الله صالح الاعمال منا ومنك ، التلفزيون برمضان ماله داعي نهائيا ، خصوصا ومثل ما تفضلت المسلسلات الهابطه فكريا وأخلاقيا وحتى موضوعيه مافيها

الكل يبي يطلع بالشاشه المربعه بأي ثمن!

الدســتور يقول...

علينا و عليك

اشوه انك ماتطرقت لسكوب

enter-q8 يقول...

شوف مع اني فاطر بحكم الشر
الا اني ما اشوفهم يا قاعد اقرى يا مريح كلش كلش فره على السريع واذا في شي تكلموا عنه فتحت اليوتيوب
الله يعينك و يعنا

أهل شرق يقول...

مبارك عليك الشهر وعساك من عواده

ياخوي وجه نقدك او سؤالك حق الاخوان الدينين وخصوصا الي بالمجلس - عسى ما الواحد فينا سمعله اغنايه الى كفروه والعنوا خيره !! وينهم عن هالبرامج المنحطة والسافله والي ثلاث ارباعهه اغراء -- تحياتي للاخت الفاتنه حليمه بولند

سرحان يقول...

آزيولايك

ماقدر عليهم بروحي! شد حيلك معاي

سرحان يقول...

مطقوق

نوووو كومنت

سرحان يقول...

معمعه

عيب أعطيها أكبر من حجمها و أكتب عنها هني.. ما يستاهلون..

و لاّ برنامج عن حالات إغماء البنات المتيمات بولدهم ؟! لووووووووووول

سرحان يقول...

لوطن أجمل

تعودنا على سفالتهم.. بس هالسنة زايدين الجيلة

سرحان يقول...

عنيف

لا حياة لمن تنادي

سرحان يقول...

المباركية

الطنازة صارت سمة البرامج كلها... تبي ضحك؟ يعني طنازة و تقليد

سرحان يقول...

أم السعف

شر لا بد من إبادته

سرحان يقول...

فريج سعود

إذا فيها تطعيم لا و الله كدينا خير

سرحان يقول...

شوش

مافيه إعادة ؟

سرحان يقول...

well_serviceman

إسألني عنهم!

سرحان يقول...

أبو الدستور

نفس الكلام اللي قلته لمعمعه
ما يستاهلون أوصخ مدونتي فيهم

سرحان يقول...

إنتر

تكفة أبي دورة "كيف ترتاح".. ياخوك متكدش

سرحان يقول...

اهل شرق

السؤال موجه لشيوخ الدين اللي يطلعون في هالقنوات اللي تبث نفس البرامج السافلة

حياتي هدف مو عبث يقول...

مبارك عليك الشهر :)