الخميس، ١٠ يونيو ٢٠١٠

مساطيل




جاسم الخرافي تمنى كل الاستجوابات تصير سرية... و علي الراشد يقول "قليل أدب" عن اللي يقول انبطاحي... 39 نائب مع السرية... انبطحوا... انسدحوا... و الجاسم للحين محجوز... و الرئيس مستاااااانس... زايرلي فيلجا و ناسي أهل اللي يابو أم الهيمان... يا أخي اسفط طيارتك بالشاليه، عشان و انت رايح سويسرا تسيّر عليهم! تراهم كويتيين! و ابي أعرف بالنسبة للأخوة و الأخوات الأفاضل اللي صوتوا مع السرية... و الله و الله... ماكو مستحى؟ محد بيقنعني بجدوى السرية... لأن مالها جدوى بهالحالة إلاّ خوفكم من أن تتعرون امام الشعب بهالقضية! و وراها وايد قضايا...

إلا الشعب شلونه؟ الشعب عايش عيشة اللمبي... ما يدرون الله وين قاطهم... و الله صج يا بشر، ما تستغربون من نواب طرمان صمخان ما يطلع لهم حس إلا اذا رئيس الوزراء أحد هوّش له؟ الشعب مو فاهم! لأنه شعب مسطول بدون حشيش! شعب نسى محمد الجاسم اللي حجزه تعدى المدة!! شعب شرب سم الإعلام المأجور... طبالين سكوب و ربعها من القنوات التاثة!


روحوا الله يستر علينا و عليكم... هيك مجلس - حكومي أكثر من الحكومة- بدّو هيك شعب مسطول!

هناك ٦ تعليقات:

الأستاذ مزيكا يقول...

سرحان اشلونك

الحكومه بتعلم الشعب العاده السريه تدري موعندنا مشكله المهور والزواج وووو
تدفع اربعه الاف وهم ماكو فايده عنوسه

سريه سريه

الا الحرامي في هالبلد يبوق عيني عينك!

صايره ابله حكمت حومتنا

بعدين الستر زين الدين يقول جذيه


تقترح ان الحكومه توزع القات مع التموين

nanonano يقول...

صـــــــــــــــح

يبتها صح...الشعب مسطــــــــــول

جبريت يقول...

الحل ان نصبح اشد منهم ونسحب الشعب الى الحقيقه لرؤيتها

غير معرف يقول...

الجنازه حامية والميت كلب . هذا أقل ما يقال عن سالفة مانديلا الكويت .

غير معرف يقول...

انت المسطول الى مسوي نفسك عارف كل شي

الكويت يقول...

فعلا بالضبط الشعب مسطول بسبب الميديا!!
الاعلام مشكله وقاعد يلعب بعقولنا وانا وحده انسطلت والسبب الاعلام ماني عارفه اصدق منو ولا اجذب منو؟!!
خلها على الله الوضع من سيء الى اسوا والي قاعد يصير بالمجلس شي مضحك اكثر من مؤسف