مساكم الله بالخير و النور و السرور...
مبارك عليكم الشهر و سامحونا على الانقطاع الغير مقصود بسبب ظروف صعبة متعددة و من أهمها قلة النوم و ضيقة الخلق، و يا سبحان الله، بهالشهر الفضيل الواحد صدره ينشرح و نفسه تنفتح على كل شي... بالنسبة لي استانس لما أشوف الفساد و المفسدين يلعبون و يسرحون و يمرحون ولا أحد يدري عنهم- أو بالأصح يدرون عنهم بس "يستهبلون" و تييك مدونة تشتغل عليهم.. الفساد اللي شادني هاليومين هو فساد أعلى صرح أكاديمي في البلاد... جامعة الكويت
هالمرّة الموضوع مو بس شغل طلبة... لا لا لا.. شغل على مستوى :) على مستوى مدير... و أمين عام... و مناصب إدارية... و سيستم.. و مشتريات بدون مناقصات... و نقل و تعيين الربع :)
الموضوع كالتالي... عندنا طرفين اساسيين، مدير الجامعة د. عبدالله الفهيد، و أمين عام الجامعة د. أنور اليتامى... وعشان نكون واضحين د. الفهيد لاهو قاعد يحل ولا يربط و هو بالضبط فريسة للتصفيات السياسية، الرجل واقع بالنص ما بين صراعات وزارة التربية مع تيار الأخوان اللي يبي يفرض ربعه و يثبت أقدامهم في كل مؤسسات الدولة الحساسة، و منها طبعا الجامعة.
و عندنا بالطرف الثاني الأمين العام الحدسي د. اليتامى اللي مشتغل توظيفات من دون الرجوع إلى معايير الكفاءة، و يوظف منو؟ الحبايب القراب - نظام "لي حبتك عيني..."... طيب... السؤال البديهي اللي يطرح نفسه ليش هالتوظيفات؟ ليش هالنقل و التعيين و التحويل؟
أنا بقولكم سالفة "سمعتها" و ماراح أؤكدها عشان ما أحط بذمتي... سيستم التسجيل الزفت الي بالجامعة و اللي كلنا عانينا منه - أغلبنا يمكن إذا أكو ناس خريجة أمريكا- هو من نوع Oracle و هو نوع معروف من برامج إدارة قواعد البيانات. الحاصل الحين إنه تم تجديد السستم، و اللي يفهمون بالكمبيوتر يعرفون إن أي تحديث يشمل جزئين، برمجيات و نظام تشغيل، و الجزء الثاني سيرفرات (أجهزة كمبيوتر) ذات طاقة استيعابية عالية...
أخوكم سرحان نبّش بالموضوع... و لقى إن المناقصة رست على شركة النواصي (الغانم) لتوريد الأجهزة المطلوبة... و هني الشغل مظبوط و قانوني 100% عال العال (مناقصة 3/2009/2010)، لكن السؤال!! وين مناقصة البرمجيات المطلوبة و اللي تكلف وايد!! يقال و العهدة على الراوي أن صاحبنا هو أحد موزعي "Oracle" في الكويت و بأن توريد النظام تم عن طريق شركته اللي مسجلها بإسم أحد اقرباءه من الدرجة الأولى... أحيييييييه يا بو سوسو أحيييه!
طيب... وين الربط بالموضوع؟؟ أظن و الله اعلم بأن الربط هو في إنك تظبط أصحاب القرار اللي تحتك و تفر و تعدل و تبدل مواقعهم نفس الشطرنج، و بعدين "تهجم" و تقول كش ملك حق الفهيد و تصير الفايدة إدارية و مالية. نقابة العاملين بالجامعة كان لها تصاريح عديدة حول تنفيذ الأمين العام لـ 80% كإنجازات من المخطط (ياخي الأخوان بكل مكان نفس السيناريو و الاسطوانة!!)... تفاصيل تصريح هيثم الهاجري رئيس النقابة موجودة هني... إقروها و عيّدوا
إيييي نسيت أقولكم... إن كتاكيت الأخوان (الإئتلافية... اللي ماسكين اتحاد الطلبة) كان لهم نصيب من الكيكة، و هو إلحاق "الانجاز المبيوق" بإسمهم و إنهم أصحاب الفضل في تجديد السستم... فأبشروا يالطلبة بحملة "التمنن" اللي بتحوشكم الكورس القادم... علما بأن السستم الجديد هو "نظام التسجيل للطلبة + نظام إداري و مالي لموظفي الجامعة". و على فكرة... كان في قرار بفصل رئيس الاتحاد الأخونجي - و تم حفظه على الرغم من أن القرار كان موجود و بانتظار التوقيع فقط... منو اللي "أمرهم" يوقفون التوقيع؟؟ الله أعلم!
للأمانة و تحاشيا للظلم... أؤكد بأنني أنقل فقط الكلام الداير و اللي سمعته من أكثر من طرف مالهم علاقة ببعض، أتمنى من اللي عنده تصحيح لكلامي أو دليل يؤكده فلا يبخل علينا فيه... و مشكورين.
هناك ٣٤ تعليقًا:
في صحة بربادوس ملك بيزنطة!
(يا ايها الذين آمنو ان جاءكم فاسق بنبأ فتبينو ... )
انت هني بهالآية الفاسق الي انذكر بالقرآن ;)
موضوع كامل كله مو متأكد من صحته وحجي دواويين واخر شي كاتبلي تحت ما احط بذمتي!!!
الاسبوع الي طاف كنت قاعدة باللوبي وشفت ورقة وراي مبروك وحالتهم حالة وقصاصات جريدة جنه قاعدين نقرا احداث جريمة ولا سستم قلت حتى الالكترونيات صارت انجازات الحمدلله والشكر ...
لا تذكر لي ائتلافية احس بندش حرب قريش مع المسلمين كل شي عندهم احنا مسويين واحنا الي حاطيين .
حسسوني الي بالجامعة عايشين عصر الظلام واهم الي حاملين رسالة الاسلام ..
هذا اول شي ثاني شي صح كلامك كل ما نبي نسوي شي يقولون لنا مالنا صلاحية الاتحاد مايبي والاتحاد يبي جن الجامعة بس حق الائتلافية لابارك الله بانتخابات مايابت الا الودر والشييب مانبي لا ائتلافية ولا وسط ولا مستقلة ولا احد
صوتي مستقلة السنة الياية لووول
مقال جميل
و الحقائق اللي ذكرتها عن مناقصة الكمبيوترات مثبتة بالوثائق
و الخبر عند الوزيرة السابقة نورية و اسال الييتامى و الفهيد ونورية و... اللي حضروا الاجتماع في شهر مارس 2009
و السلام
شيلمهن
مبارك عليك الشهر وعساك والفهيد من عواده
:)
Blue
حياك أخوي
كويتي صريح
أوباااا.. فاسق مرة وحدة؟ اللهم إني صائم :)
غلط إني أنقل كلام متداول؟ على العموم إقرا تعليق "دكتور كويتي" يمكن أهو فاسق بعد :)
الخيييير بقبااااااال :)
طموحة مملوحة
إي صوتي مستقلة نكاية بكتاكيت الأخوان
دكتور كويتي
فيدنا ياخوي! إذا عند أي اثباتات دزها لي و ربي لأطشرها بكل بيت
الدستور
إي و الله شيلمهن يالزميل
فريج سعود
علينا و عليك و على الفهيد و اليتامى بعد :)
كلامك مرسل ليس له دليل.
بالكويتي الفصيح: ما عندك سالفه.
و الدكتور اليتامى ارقى من مثل هالاتهامات بس الظاهر ماكلين قلبك الاخونجيه على قولتك و تحاول تلبس عليهم شي.
و البينه على من ادعى.
غير معرف
و الله انتوا يالاخونجية نفس النمل... لول تينووون لي تحرش فيكم احد
و بيني و بينك اي والله محتر على شغلتين... هالديرة اللي عفستوها و مازلتم تعفسونها.. و ثاني شي هالفقارى الناس المساكين اللي تكلكون عليهم كل يوم
روح الله يهديك و ينور بصيرتك و بصرك
افا طلعت فاسق؟؟؟
على العموم انا غير متابع لما يحدث في الكويت احاول قدر المستطاع بهالشهر الفضيل اني اكون سويتش اوف عن السياسه والسرسره والالتصاق التام بالصلاة وذكر الله
بس بعلق على جزئية الاخوان المسلمين
الاخوان المسلمين وكتاكيتهم هم دائما السباقون هم دائما الفاهمون هم دائما وابدا ويا ويلك تسوي شي ما سووه يخلونك كافر عرفت شلون اخوي الفاسق حسب تحليل صاحب اول تعليق
انا اقول والعهده على الرواي الاخوان يبون كل انجاز يتسجل بإسمهم حتى وضع الدستور في سنة 62 يبونه بإسمهم رغم انهم لم يشاركوا في وضعه
اولاً - شي مشكور انك وضحت ان تحاملك على اليتامى منبعه خصومتك لتيار الاخوان.
ثانياً - انا ماني من الاخوان و لو ان لي الشرف لو كنت منهم.
ثالثاً - اذا الهدايه هي الاتفاق مع مفهومك و رمي التهم جزافاً و اساءة الظن بخلق الله فمشكور و دعوتك مردوده و عسى الله لا يهديني حسب ما تبي انت.
رابعاً - الشجاعه الادبيه تحتم انك تحط الادله على كلامك او تطلع راسك و تقول انا فلان الفلاني و عندي ادله على كذا و كذا . اما شغل مدونه و نك نيم و سمعت و ما سمعت فهذا اسلوب قعدات شاي الضحى مو اسلوب الناس اللي عندهم مصداقيه
صدق من قال * و ما آفة الاخبار إلا رواتها
الاخ كويتي صريح
عبارة (ما احط بذمتي) هذي سببها ان الاخو سرحان الظاهر مو قد كلامه ولا مستعد يتحمل مسؤولية اللي قاعد يقوله
الله يعينه على نفسه و اسلوبه
جبريت
إي و الله شفت شلون؟
همتك معانا ولّع فييييهم زين لول
غير معرف
علامك تقط خيط و خيط ياخوي؟
لول انت مو من الأخوان و تتشرف لو كنت منهم؟ كفوك :)
سؤال.. ليش الأخوان ما يقولون إنهم أخوان؟ هذا البوست القادم
و أرد أقولك "الله يهديكم"
أما بالنسبة للعمل أمام الجميع و كشف الأوراق في وقتها المناسب قادم و كل شي بوقته حلو... يا حلو :*
حبيبي
ارجو انك ما تحاول تضيع الصقله على الناس اللي تتابع و تخلط الامور عشان تخلي مسؤوليتك
انا اقط خيط و خيط؟ ماشي × مقبوله منك
لكن خلنا بموضوعك الحين
طلبت منك اكثر من مره انك تكون على قد الكلام و الاتهامات المسئيه اللي قاعد تقولها و ما تلف و تدور على مبدأ ان ناقل الكفر ليس بكافر
انت تتهم اليتامى و تضرب بسمعته و انت تستخدم اسم مستعار و تقول (سمعت) و (ما احط بذمتي)
الامور ما تمشي جذي،عندك ادله تفضل حطها و بطريقه رسميه و بأسمك الحقيقي و بلاش شغل التخشش و الاساليب هذي و تقعد تضرب بالشخص من ورى اقنعه
اذا تراضاها لغيرك ما اعتقد تراضها لنفسك
وبعدين تبي تقول لي انك بتكتب عن الاخوان ما الاخوان × اكتب لين تشبع لا انت هميتهم و لا اثرت فيهم
لكن لا تضيع صقلة سالفتنا الحين و اما انك تكون قد الاتهامات اللي قلتها او تقص الحق من نفسك و تعترف انك متحامل و تنوقل حكي ما تدري عن صحته
غير معرف
إنت قلت:
"حبيبي
ارجو انك ما تحاول تضيع الصقله على الناس اللي تتابع و تخلط الامور عشان تخلي مسؤوليتك
انا اقط خيط و خيط؟ ماشي × مقبوله منك"
أنا أرد:
صدقني مو أنا اللي أضيع الصقلة و هالمدونات تشهد :) و الظاهر الحجي وايد معورك ولا جان ما شفتك مستنفر :)
إنت قلت:
"لكن خلنا بموضوعك الحين
طلبت منك اكثر من مره انك تكون على قد الكلام و الاتهامات المسئيه اللي قاعد تقولها و ما تلف و تدور على مبدأ ان ناقل الكفر ليس بكافر
انت تتهم اليتامى و تضرب بسمعته و انت تستخدم اسم مستعار و تقول (سمعت) و (ما احط بذمتي)
الامور ما تمشي جذي،عندك ادله تفضل حطها و بطريقه رسميه و بأسمك الحقيقي و بلاش شغل التخشش و الاساليب هذي و تقعد تضرب بالشخص من ورى اقنعه"
أنا أرد:
موضوعي ما تغير و هذا هو موجود و لا راح ينشال :) و فعلا أنا نقلت الكلام الداير .. أسلوب تتحدى واحد بنظام "إطلع لي بالهدّة" هذا هو اللي ما يدور :) و هذا هو اللي عندي :) أرد أقولك الخير بقبال
إنت قلت:
"اذا تراضاها لغيرك ما اعتقد تراضها لنفسك"
أنا أرد:
و الله إذا أنا أسوي هالبلاوي و هالتجاوزات؟؟ استاهل و نص بعد.. الحمدلله إني فقيّر على قد الي حالي تيار يسندني ولا يدعمني و لا في ناس يدشون بغير معرف عشان يدكورون حق حزبي :)
إنت قلت:
"وبعدين تبي تقول لي انك بتكتب عن الاخوان ما الاخوان × اكتب لين تشبع لا انت هميتهم و لا اثرت فيهم"
أنا أرد:
يا رااااااجل.. أكيد أهم أذكي من إنهم يصرحون بانتماءهم اللي يستعرون منه...
إنت قلت:
"لكن لا تضيع صقلة سالفتنا الحين و اما انك تكون قد الاتهامات اللي قلتها او تقص الحق من نفسك و تعترف انك متحامل و تنوقل حكي ما تدري عن صحته"
أنا أرد:
أرد أقولك انا قلت اللي عندي :) و رد علّق مثل ما تبي.
تحياتي يا حلو :*
غير معرف
شغلة أخيرة حبيب قلبي... ماراح أضيع وقتي مرة ثانية و أرد على تعليقاتك المتكررة لأني رديت مرتين، و لأن هالأسلوب عبارة عن اسطوانة مليت و أنا أسمعها بالجامعة 4 سنين منكم لين تخرجت و بعدها هم أجابلكم بدوامي من 2002 لي اليوم، يعني بإجمالي 12 سنة و أنا مجابلكم :) أسلوبكم يدبل الجبد بتحويل أي سالفة لي نظام "مظلومية" و هذا يطعن بإنسان ديّن و و و..! قديمة، الناس عرفت لكم أخيرا، حيلة اللحية و التمسكن ما عادت تمشي و الله.
و على فكرة، كلي إيمان و ثقة بأن الله بيحاسبني إذا أنا ظلمته و يأجره على ظلمي له، و لكن إذا أنا صادق بكلامي و اللي وايد موظفين بالجامعه يدرون عنه و انظلموا على إيده فالله بيحاسبك انت لأنك تدافع دفاع حزبي أعمي.
و لكن من جانب آخر، لنفرض اني كذاب، و صاحب تعليق دكتور كويتي كذاب، و الموظفين بالجامعة كذابين، و ديوان المحاسبة كذابين، و الصحافة كذابين، و نقابة العاملين بالجامعة كذابين.. إنت الصاج مثلا؟
و إذا ما تعرف تقرأ.. هذا اقتباس من البوست:
"للأمانة و تحاشيا للظلم... أؤكد بأنني أنقل فقط الكلام الداير و اللي سمعته من أكثر من طرف مالهم علاقة ببعض، أتمنى من اللي عنده تصحيح لكلامي أو دليل يؤكده فلا يبخل علينا فيه... و مشكورين."
ريّح بالك :) هذا آخر رد مني عليك
يالطيب
اكيد بعلق مثل ما ابي و منت مضطر ترد علي لكن بما ان البوست موجود فمن حقي اعلق و بالمناسبه اسجل لك احترامي بجزئية انك قاعد تنشر تعليقاتي
المراد
واضح انه للحين مو راضي ترسينا على بر و قاعد تحول المسأله شخصيه مره بيني و بينك و مره توجه سهامك للأخوان
على راحتك محد يجبرك
و اطمنك ماني من الاخوان و مو ناطر انك تصدقني ولا همني اساساً صدقت او لأ مع كامل احترامي لك
لأن بما انك متعصب لرايك و مصر على اتهاماتك فعادي اسمع منك تلبيسات اكثر علي
بس اتمنى ما تقعد تخلط علينا الاوراق و مره تدور على الدكتور اليتامى و مره تدور على الائتلافيه و مره على الاخوان
احنا هني نتكلم ان اتهام منك و تجريح بسمعة الدكتور اليتامى
و اختباء خلف حجج انك سمعت و ان الجرايد و ان المواظفين قالوا
احد من هاذووول (على قولة اسيل) كلهم تجرأ و اشتكى رسمياً و بالادله؟
ولا حجي موظفات و شاي ضحى و تحامل صحافيين و ناس ما مشت لهم معاملات و وسايط عن اليتامى؟
و نبي مسؤوليه ادبيه هني و انت للحين مو راضي ترسينا على بر
مره تقول سمعت و ماني حاط بذمتي و مره تقول الخير بقبال
انا اقول لك يالله تحلى بالشجاعه الادبيه و حط الخير اللي عندك الحين و اقم الحجه بدال لا تنوقل علينا حجي سمعته ما ندري صجه من كذبه و لا ندري اللي نقلوه لك صاجين ولا جاذبين
ولا اقول لك
خل اللي سمعوك الحجي يتفضلون رسمياً و يطلعون روسهم على الاشهاد و يقولون ان هذا اللي صار
ذيج الساعه يبين الصاج من الجاذب و يبين اللي يضرب و هو متخشش مثل النادوس من اللي صج يبي يشير للخطأ و يصلح الوضع و مستعد يتحمل المسؤوليه كشخص رسمي مو شغل تخشش و تدسس
اما شغل سمعت و ما سمعت فهالكلام ما يمشي إلا ببينه لأن هذي سمعة اوادم و اذا انت ترضى احد يتهمك بدون دليل و اعتماداً على حجي لا ييب ولا يودي فغيرك ما يرضاها
تعليقك الاخير واضح فيه ان دوافعك هي تعصب ضد الاخوان و الائتلافيه و دخلت اليتامى بالشغله
تعال صير محايد بعدين اقنعنا بحقانيتك
اما قول لك ان المدونات تشهد لك فقياس فاسد (ادري بتعجبك هالكلمه و بتسقطها على المطاوعه)
تدري ليش قياس فاسد؟
لأنك قاعد تستدل بشهادة مجاهيل على النت و اسمح لي على التشبيه بس حالك خال الغرقان اللي بيعلم غرقان ثاني شلون يسبح
تقول - و على فكرة، كلي إيمان و ثقة بأن الله بيحاسبني إذا أنا ظلمته و يأجره على ظلمي له، و لكن إذا أنا صادق بكلامي و اللي وايد موظفين بالجامعه يدرون عنه و انظلموا على إيده فالله بيحاسبك انت لأنك تدافع دفاع حزبي أعمي.
حبيبي ونعم بالله العظيم لكن هالكلام ما يوكل خبز و المبدأ الشرعي يقول البينه على من ادعى - يالله طلع بينتك و بإسمك و اذا كل هذا حارقك الموضوع روح قدم شكوى بالادله بدال شغل اللف و الدوران و الكلام الزايد
اما اتهامك بأني ادافع دفاع حزبي اعمى فيفصح عن طريقتك مع اللي ما ينيازون لك - شلون حكمت اني من الاخوان اساساً و شلون عرفت اني ادافع عنهم دفاع اعمى و انت ما تعرفني؟
مو ممكن اكون قريب للدكتور مثلاً (على قوتلك)؟
مو ممكن اكون انسان حقاني شاف شخصيه يتم التعريض بها فأساءه هالشي و تدخل ليضع النقاط على الحروف؟
مشكلتك ان تحيزك ضد الاخوان مو مخليك تصنف الامور صح و مختلطه كل الكروت عندك
فعشان انت ما تواطنهم قاعد تضرب باليتامى
يا عزيزي خلصنا من الاخير من الكلام اللي لا ييب ولا يودي و حط اثباتاتك بالدليل و باسمك الرسمي وبلاش شغل التخبي و سمعت و ما سمعت والله يشهد وماني حاط بذمتي
و ما في داعي ترد علي لأني انا اساسا ما راح ارد عليك عقب هالتعليق و طلبي الواضح 1+1=2
فمالله
انا بخبري ان سيستم oracle هو من افضل واجدد الأنظمه
واذا الأخوان امطلعين سستم من عندهم اقوى والله هذا انجاز
بس طبعا كله كلام فاضل ومثل ماتفضلت
كله ببطونهم
وعلى كلام اخوي كويتي صريح على قولته كلام دواوين انزين الريال يابلك رقم المناقصه !!
انت شنو عندك يثبت ان الكلام
كلام دواوين ؟؟
عزيزي بو عبدالبصير
بترد انت حر
منت راد هم انت حر و كيفك
اول شي عجبتني هذي منك/
و لكن من جانب آخر، لنفرض اني كذاب، و صاحب تعليق دكتور كويتي كذاب، و الموظفين بالجامعة كذابين، و ديوان المحاسبة كذابين، و الصحافة كذابين، و نقابة العاملين بالجامعة كذابين.. إنت الصاج مثلا؟
هههههههههههههههي
لا مو انا الصاج ، لكن تبي تقنعني انت الصاج او الحقاني مثلاً؟ وتحاملك فاضحك موضح عدل دوافعك من البوست مثلاً؟
الظاهر انك متأثر وايد بمسجات البلاك بيري
ما ادري ليش اقول لك ثور تقول لي احلبه و ما ادري شدخل الائتلافيه بتعليقي و بالاخوان و باليتامى
لا تقعد تخلط الاوراق لو سمحت
من الصبح اقول لك موضوعنا عن اتهاماتك للدكتور اليتامى و انت تضيع الصقله و مره تدور علي و مره على الاخوان و مره على الائتلافيه
فلا تحاول تلف و تدور
بالعربي انت اتهمت الرجل و قذفته بامانته اعتماداً على يقولون و كلام موظفين الجامعه و الصحافه
هذيل كلهم محد منهم تحرك او تزحزح و اقام شكوى رسميه لأنهم مو فالحين إلا بالقراض و شغل الحش
يعني بإختصار اهل حجي زايد و قعدات شاي و حب
و واضح ان الدوافع هي وسايط او تجاوزات او ترقيات على البطيخ ما مشاها لهم الريال فقاموا يقرضون فيه و لبسوه السالفه اللي انت مستانس عليها بس ليش الريال محسوب على الاخوان و حضرتك لك موقف منهم او يمكن تبي منه تطميره او تضبيطه و سد الباب بويهك
بعطيك اياها بالمختصر و الويه للويه ابيض
هل تملك الشجاعه انك تبرز الادله الرسميه على اتهاماتك و بإسمك الصجي بعد امام الجهات الرسميه ؟ اقول بإسمك و صفتك بلا عادل امام بلا سرحان ما سرحان
أو بالمقابل هل تملك الشجاعه الادبيه لإنك تعتذر بصفتك اقمت اتهام من غير ادله؟
يا هذي يا هذي
خلصنا و ماله داعي كلام زايد و تواعدنا الخير بقبال ما الخير بقبال
عندك شي حطه الحين
يا تكون قدها و تصلع براسك و اتهاماتك و تقول انا فلان آدمي اتهم الدكتور فلان بكذي و هذي ادلتي
يا تتراجع عن كلامك .. و عندها لا تحسب ان التراجع على كيفك ولكن اخلاقيات التدوين تحتم عليك التراجع
و خلك مني انا العبد الفقير لله اللي ماني بالبال شي و ارجع على كلامك بدال تضييع الصقله
اخلص / عندك شي حطه رسمياً و بإسمك الصريح و صفتك
ما عندك شي استريح فإنت مدعي من دون بينه (وانت تعرف شنو وصف هالحاله في الشرع) فلا تقعد تهاجم اعراض الناس و سمعتهم حتى برمضان
و لا تخاف ما ابيك تشيل موضوعك
لكن ابيك تكون قد كلامك و ما تستغل خصوصية الانترنت بضرب خلق الله من تحت لي تحت و شغل خش و دس
سرحان -ومادري هذا اسمك الصجي ولا نك نيم لك
بترد انت حر
منت راد هم انت حر و كيفك
اول شي عجبتني هذي منك/
و لكن من جانب آخر، لنفرض اني كذاب، و صاحب تعليق دكتور كويتي كذاب، و الموظفين بالجامعة كذابين، و ديوان المحاسبة كذابين، و الصحافة كذابين، و نقابة العاملين بالجامعة كذابين.. إنت الصاج مثلا؟
هههههههههههههههي
لا محد يجبرك تصدقني ، لكن تبي تقنعني انت الصاج او الحقاني مثلاً؟ وتحاملك فاضحك موضح عدل دوافعك من البوست مثلاً؟
الظاهر انك متأثر وايد بمسجات البلاك بيري
ما ادري ليش اقول لك ثور تقول لي احلبه و ما ادري شدخل الائتلافيه بتعليقي و بالاخوان و باليتامى
لا تقعد تخلط الاوراق لو سمحت
من الصبح اقول لك موضوعنا عن اتهاماتك للدكتور اليتامى و انت تضيع الصقله و مره تدور علي و مره على الاخوان و مره على الائتلافيه
اذا منت قد كلام بوستك و تشهيرك بسمعة الرجل فلا تحاول تلف و تدور و تدعم إطوف
بالعربي انت اتهمت الرجل و قذفته بامانته اعتماداً على يقولون و كلام موظفين الجامعه و الصحافه
هذيل كلهم محد منهم حرك زوله او تزحزح و اقام شكوى رسميه لأنهم مو فالحين إلا بالقراض و شغل الحش
يعني بإختصار اهل حجي زايد و قعدات شاي ضحى و حب شمسي
و واضح ان الدوافع هي وسايط او تجاوزات او ترقيات على البطيخ ما مشاها لهم الريال فقاموا يقرضون فيه و لبسوه السالفه اللي انت مستانس عليها بس ليش الريال محسوب على الاخوان و حضرتك لك موقف منهم و يمكن تبي منه تطميره او تضبيطه و سد الباب بويهك
ما يندرى هالسنين كلمن ما مشوا اللي يبيه على هواه قام فتح له مدونه او دش منتدى و قعد يقرض بالاوادم
بعطيك اياها بالمختصر و الويه للويه ابيض
هل تملك الشجاعه انك تبرز الادله الرسميه على اتهاماتك و بإسمك الصجي بعد امام الجهات الرسميه ؟ اقول بإسمك و صفتك بلا عادل امام بلا سرحان ما سرحان
أو بالمقابل هل تملك الشجاعه الادبيه لإنك تعتذر بصفتك اقمت اتهام من غير ادله؟
يا هذي يا هذي
خلصنا و ماله داعي كلام زايد و تواعدنا الخير بقبال ما الخير بقبال
عندك شي حطه الحين
يا تكون قدها و تصلع براسك و اتهاماتك و تقول انا فلان آدمي اتهم الدكتور فلان بكذي و هذي ادلتي
يا تتراجع عن كلامك .. و عندها لا تحسب ان التراجع على كيفك ولكن اخلاقيات التدوين تحتم عليك التراجع
و خلك مني انا العبد الفقير لله اللي ماني بالبال شي و ارجع على كلامك بدال تضييع الصقله
اخلص / عندك شي حطه رسمياً و بإسمك الصريح و صفتك
ما عندك شي استريح فإنت مدعي من دون بينه (وانت تعرف شنو وصف هالحاله في الشرع) فلا تقعد تهاجم اعراض الناس و سمعتهم حتى برمضان
و لا تخاف ما ابيك تشيل موضوعك
لكن ابيك تكون قد كلامك و ما تستغل خصوصية الانترنت بضرب خلق الله من تحت لي تحت و شغل خش و دس
الرد 1 من 2
رحان -ومادري هذا اسمك الصجي ولا نك نيم لك
بترد انت حر
منت راد هم انت حر و كيفك
اول شي عجبتني هذي منك/
و لكن من جانب آخر، لنفرض اني كذاب، و صاحب تعليق دكتور كويتي كذاب، و الموظفين بالجامعة كذابين، و ديوان المحاسبة كذابين، و الصحافة كذابين، و نقابة العاملين بالجامعة كذابين.. إنت الصاج مثلا؟
هههههههههههههههي
لا محد يجبرك تصدقني ، لكن تبي تقنعني انت الصاج او الحقاني مثلاً؟ وتحاملك فاضحك موضح عدل دوافعك من البوست مثلاً؟
الظاهر انك متأثر وايد بمسجات البلاك بيري
ما ادري ليش اقول لك ثور تقول لي احلبه و ما ادري شدخل الائتلافيه بتعليقي و بالاخوان و باليتامى
لا تقعد تخلط الاوراق لو سمحت
من الصبح اقول لك موضوعنا عن اتهاماتك للدكتور اليتامى و انت تضيع الصقله و مره تدور علي و مره على الاخوان و مره على الائتلافيه
اذا منت قد كلام بوستك و تشهيرك بسمعة الرجل فلا تحاول تلف و تدور و تدعم إطوف
بالعربي انت اتهمت الرجل و قذفته بامانته اعتماداً على يقولون و كلام موظفين الجامعه و الصحافه
هذيل كلهم محد منهم حرك زوله او تزحزح و اقام شكوى رسميه لأنهم مو فالحين إلا بالقراض و شغل الحش
يعني بإختصار اهل حجي زايد و قعدات شاي ضحى و حب شمسي
و واضح ان الدوافع هي وسايط او تجاوزات او ترقيات على البطيخ ما مشاها لهم الريال فقاموا يقرضون فيه و لبسوه السالفه اللي انت مستانس عليها بس ليش الريال محسوب على الاخوان و حضرتك لك موقف منهم و يمكن تبي منه تطميره او تضبيطه و سد الباب بويهك
ما يندرى هالسنين كلمن ما مشوا اللي يبيه على هواه قام فتح له مدونه او دش منتدى و قعد يقرض بالاوادم
الرد 2 من 2
بعطيك اياها بالمختصر و الويه للويه ابيض
هل تملك الشجاعه انك تبرز الادله الرسميه على اتهاماتك و بإسمك الصجي بعد امام الجهات الرسميه ؟ اقول بإسمك و صفتك بلا عادل امام بلا سرحان ما سرحان
أو بالمقابل هل تملك الشجاعه الادبيه لإنك تعتذر بصفتك اقمت اتهام من غير ادله؟
يا هذي يا هذي
خلصنا و ماله داعي كلام زايد و تواعدنا الخير بقبال ما الخير بقبال
عندك شي حطه الحين
يا تكون قدها و تصلع براسك و اتهاماتك و تقول انا فلان آدمي اتهم الدكتور فلان بكذي و هذي ادلتي
يا تتراجع عن كلامك .. و عندها لا تحسب ان التراجع على كيفك ولكن اخلاقيات التدوين تحتم عليك التراجع
و خلك مني انا العبد الفقير لله اللي ماني بالبال شي و ارجع على كلامك بدال تضييع الصقله
اخلص / عندك شي حطه رسمياً و بإسمك الصريح و صفتك
ما عندك شي استريح فإنت مدعي من دون بينه (وانت تعرف شنو وصف هالحاله في الشرع) فلا تقعد تهاجم اعراض الناس و سمعتهم حتى برمضان
و لا تخاف ما ابيك تشيل موضوعك
لكن ابيك تكون قد كلامك و ما تستغل خصوصية الانترنت بضرب خلق الله من تحت لي تحت و شغل خش و دس
سرحاان و الله انت غلطان ترد على هالاشكال و تعطيهم وجه هالاشكاال تمنعها و ما تنزل تعليقاتها لانها قليلة ادب
ابشر ترا اوراق هالفعايل كلها موجودة و بقدمونها ناس اصحاب ضمير حي للنيابة العامة الاسبوع القاادم و كلامك لا غبار عليه سر و نحن من وراءك ولا يهمك نشاز الرداحات
بس بشوف الوجييه الودرة وهي منصفقة بالنيابة هههههه
اداري
ما اقول الا كلمن يرى الناس بعين طبعه يا اداري
الردود تكررت لأن كل ما انزل الرد تطلع لي صفحة خطأ error
ما علينا
المدعو اداري
الويوه الودره هي ويوه الردايا هاللي يقرضون بالرياييل من ورى ظهورهم بدون بينه و لي شافوا الريال نافقوا جدامه و تملحسوا له
اما باجي كلماتك فأرد عليها بـــــ
كل اناء بما فيه ينضح
يا اداري
اهداء للأخونجيه
http://dakilalsoor.blogspot.com/2009/11/blog-post_12.html
* كل اللي صار ان سعة استيعاب السيستم زادت من 3 الاف لي 5 الاف لا اكثر ولا اقل ..
* تم تضخيم الموضوع اعلاميا من قبل الاخوان الصغار ..
* اللي يبي يقول المستقلة .. ما اخس من المربوط الا المفتلت .. اثنينهم ضد التعليم المشترك .. اثنينهم مع قرار الزي المحتشم .. اثنينهم يدشون فرعيات .. اثنينهم ما ينزلون راس بوستر طالبة .. ولا يخلونها منسقة على القائمة ككل ... شحسن فيه بالله
انا بعرف شغله وحده الحلوين اللي قاعدين يقولون قول اسمك وقول اسمك..
أول شي انتو كتبو اب نيك نيماتكم الصجية حتى مانبي اساميكم! بعدين تعالو تكلمو
ثاني شي, اول مره تسمعون بالمدونات وتعرفون طريفتها؟؟
...
يا حلات فزعة الاخونجية حق الاخونجية، حدكم "كيوت" وتشوقون!!
إرسال تعليق