جهود تنسيقية بين مجموعة من المدونات لتنظيم تحرك موحد بخصوص قضية حسين الفضالة المختطف من المياه الإقليمية الكويتية، و سيتم الإعلان عن الآتي لاحقا خلال هذا الأسبوع:
آلية التحرك، التوقيت، المكان، الأهداف و المطالبات
تابعونا لآخر التفاصيل
************************
تحديث
أهل "حسين الفضالة" يرون بانه من الأفضل تأجيل التحرك حاليا لعدّة إعتبارات
و جاري التواصل معهم... و شكرا لتفاعل العديد من المدونات
Exzombie، فريج سعود
شاكرين حماسكم و تفاعلكم، بس أخواني اعذروني و الله تعليقاتكم سّويت لها publish
و فجأة اختفت!
راح أبلغكم بأي تطورات بالإيميل...
هناك ٧ تعليقات:
قواكم الله
معاكم ان شاء الله باى تحرك
يلا خوش
مشكووور يا سرحاان على تفاعلك
وانشاءالله تكون هناك نتيجه يا رب ...
اتصدق اخوي سرحان ... بعد قضيه حسين الفضاله توضحتلي امور كثيره اولها
اني تحسفت على المجلس بجميع اعضاءه ... بس فالحلين اب هالاستجوابات
الماصخه ... و تحسفت اكثر و اكثر على الاعضاء اللي صوت لهم و اللي اعتقد ان
فيهم ذرة انسانيه ، وكذلك اثبتوا و بكل جداره الاعضاء الشيعه اللي
ابنوا(الموكويتي) مغنيه وغفلوا عن (الكويتي) حسين الفضاله انهم قادرون على
ان يضحوا بكل كويتي مقابل شخص مثل مغنيه ... بغض النظر اذا كان مغنيه
متهم او بريء .. فهو بكل بساطه مو كويتي.
ولا انكر ان دور الحكومه الفعال في الوقوف لصالح المواطن الكويتي الامنيه و انها
لا تفرق بين احد منهم يعني ابي افهمها انه !!! ... طراد يغرق في البحر و يتم
العثور عليه خلال ٥ ساعات فقط و ما شالله الجرايد و الاذاعه و جميع وسائل
الاعلام بينت كيف كان الكشط و المسح البحري وتكنلوجية النانو اللي استعملوها و
اعتمادهم على اكثر من مصدر للوصول الى الطراد الغارق حتى السمج قاعد يدور
معاهم ماشاالله .... و حتى تم انقاذ كل من كان بالطراد مع الشخص المهم
"طبعا مهم بالنسبه لهم فقط!!" بكفاءة ربعنا الشجعان !!
و الحين الريال حسين الفضاله صارله اكثر من يوم هادينه .... ويييين كشطكم و
مسحكم و مصادركم الفذه في العثور على اي ضاله بالبحر ... يبا انتوااا وييين و
التطور ويين
ما ادري ليش ذكروني ربعنا الشجعان بمقطع في مسرحية سيف
العرب (الدقيقة الخامسه)
http://www.youtube.com/watch?v=e5DbnYzeQ5I
ملاحظه :
فكرت قبل ان اذكر تعليقي عن النواب الشيعه ان لا اكتبه حتى لا يقول البعض اني
طائفي و احب الفتن ... لا بالعكس فالاعضاء الشيعه مسائلون مثل بقية الاعضاء
يعني ما يسير اقول هذا عضو شيعي لازم "انطم" علشان ما اطلع طائفي بوطير
.... شكووو بوطير !! بس .. ودي اقولها :)
و عموما ... اعتذر بسبب الاطاله و اي غلط يمكن بدر مني .. بس هذا كله من القهر
و تقبلل مروري : )
تحياتي
بعض الأخوة الأفاضل اللي علقوا...
اسمحولي و الله تعليقاتكم مسحت عن طريق الخطأ... و على ما أذكر الأخ Exzombie
و غيره بعد... سامحوني
أرجو كتابة تعليقاتكم مرة أخرى و اعتذر مجددا عن الخطأ غير المقصود
أنا اعتب على سفاراتنا بالخارج .. كل الدول سفاراتها ترن إلا سفاراتنا طاخه مالها اي دور إلا تصافح الايادي وتبتسم للمصورين
ثاني عتاب على نواب مجلس الامة ومن ضمنهم من لهم كلمة مسموعة في ايران وبعيدا جدا عن الطائفية لكن المفروض يكون لهم دور يعدلون فيه ما حدث بالسابق
حسافة والله
معاكم قلبا و قالبا و يا ريت ننسق و نحدد الخطوات المطلوبة للضغط على الحكومة و المجلس انهم يتنحنحون و يسوون شي يكفل لهم ماء وجههم
نبيهم يكشفون عدد الكويتيين المحتجزين في ايران و السعودية بدون سبب
نبيهم يشتغلون و يحللون المعاشات الي ياخذونها
و نبي ننام ببيوتنا بين اهلنا و ما نحاتي مثل الحين الي حتى حداق قمنا نخاف عليهم منه
تحياتي للجميع و اعتقد فترة شهر من خروجه من البيت ترى وايد، و لا اظنها تحتاج الى تأجيل
يعطيك العافية
إرسال تعليق