الثلاثاء، ١ يوليو ٢٠٠٨

نهاية رجل محبط...


وايد قالولي لا تتحبط... دام "هالوجيه" الطيبة موجودة شلون ما أتحبط؟ واحد باق مليارات و فلت منها "بمزاجه"... و واحد صارفلي 10 ملايين على صاحبه "بيتزا بيتزا" عشان حملة تبن و بلا على روسهم لتوفير الكهرباء و أمس كلكم لاحظتوا شلون التيار كان على وشك الانقطاع...
كويتيين... اكلوا تبن... لأنكم مو كفو مجلس، ولا كفو ديمقراطية، و خلكم عالخمسين مادري بشنو تفيدكم اذا انقطعت الكهربا ولا لي صار ماكو صحة أو تعليم...
المدونة ستغلق على الرغم من عمرها القصير... لأني قاعد أحر نفسي و أحركم معاي... زوروا أم صدة و جابلو صورة دينا أحسن

هناك ٣ تعليقات:

As YoU LiKE يقول...

بطل المدونة

فضفض ياعم ..

لاتحدني اصك المدونة تضامناً وياك .. حكومة مصخرة ومجلس مهزلة ..

والشعب .. له الله !

سرحان يقول...

ياخوي كل يوم من أطل بهالجرايد و أقرا هالأخبار اللي تدبل الجبد أتنرفز زود... و الله قاعد أتعب نفسيا...

و اللي يحرني إنه محد محتر! العموم يدابج ورا الخمسين و يبيها! أمة متخلفة إذا الخمسين أولويتها

إن شالله ماراح أصك المدونة لكن محتاج فترة راحة من هالتخلف اللي قاعدين نعيشه كل يوم.. مشكور حبيبي.

Kwaitiyya يقول...

وتقولي تأملي خير الدنيا ليلحين بخير؟؟؟؟

انت شفت البلاوي اللي كل يوم يحطونها بالجريدة؟؟

أصلان شفت الجرايد شلون كل وحده تحفر حق الثانية؟؟؟
وشفت الكتّاب المحترمين اللي بالجرايد؟؟ كل واحد يوّهم الثاني ويكذب وينافق ويتقوّل على لسان الثاني
والقرّاء يضيعون بالطوشة ماتدري منو الصادق ومنو الكذاب .. وبيني وبينك كلهم كذابين ومنافقين وخمة وسفله

تبي بعد وزارة الداخلية؟؟؟ هذا العميد مادري اللواء اللي بالأدلة الجنائية صاحب القضية اللي متهمينة فيها بالتحرش الجنسي بإحدى الدكتورات اللي عنده بالمشرحة ! هذا بدل ما يوقفونه عن شغله ويجمدونه شوف شلون ولا كأنهم مهتمين بالموضوع ! هذا وهو لواء ! المفروض يكون أمين على بنات الديره وعيال الديرة ! شوف شلون يزور بالأدلة ويدمر بعض الأدلة عشان الفلوس ! يدهنون سيره ويزور بالأدلة ويغير القضية على كيفه ! بدوي ما عليه شرها الصراحه

وهذا اخوه المستشار مال الحرامي العود
شوف جم راشينه كم ألف عشان يغير وغصب يطلعون القضية براءة

اللي ابي اوصله لك يا عزيزي
هل انت مصدق إنك عايش بشي اسمه دولة؟؟؟
احنا في دولة تحكمها قوانين؟؟؟؟؟
صج أكو دستور ؟؟؟؟

ترى هذا كله جذبة كبيره احنا مصدقينها وتربينا عليها وحفظناها بالمدارس

خرابيط اب خرابيط
أنا وحده فاقدة الأمل بكل شي
ما عاد أشوف شي زين كلش

شوف وزارة الصحة
شوف التربية
هالوزارتين أهم شي بالدولة والدولة المفروض انها ترتكز عليهم هالثنتين ! شوف شكثر مهملين وداثرين

شوف وزارة الدفاع اللي محد يتكلم عنها .. كلها عقود وبوق وخرابيط
شوف الداخليه اللي غزوها البدوان واعفسوا الدنيا ! لاعبين بييدهم وريلهم
شوف التربية ومأساتها
شوف الصحه وبلاويها ! اللي ما عنده واسطه عادي يموت ومحد يدري عنه !! اصلن من يدش غرفة العناية المركزة يموت ما يتحمل الوصخ !

شوف النفط والطاقة
شوف الشئون !! شوف الهنود والبنغالية اللي متكدسين بالمناطق ! روح الجليب وخيطان شوف شلون الديره منقلبه ! شوف وين ساكنين وشنو يسوون بيومهم !! ولا حد يدري عنهم وماكو ولا دورية وحده تدش عندهم

شوف البدون والعشييش !! بلاوي !

شوف أصحاب الواسطات وهالنواب اللي ولا واحد قاعد يفيدنا احنا كشعب
ولا نائب بادر بمشروع أو فكره تحل مشكله من هالمشاكل إلا وهو راسم وراها بوقه أو استفاده من وراها
ولا نائب وقف وقفة سنعه وحاول بضمير يحل مشكله من مشاكل الدولة اللي صج تهم المواطن الفقير اللي ما عنده واسطه أو بالأحرى مايحبون يعرضون ويهم عند أحد

حتى الوزير ... كلامه ذهب ودرر بس ماكو فعل ماكو شي ملموس


ياربي تعبت من التحلطم

بس يا سرحان لا تسكر المدونه
وايد ناس تقرالك بس يمكن ما يعلقون

فضفض عشان الناس تدري أنه في أحد مو عاجبه الوضع


أنا وحده من الناس مابي "بدو"
بتقولي هذه عنصرية؟؟ اااييييه عنصرية .. لأن بس خلاص طفح الكيل
وتعبنا من اللي نشوفه
متنا واحنا نشوف ونقول ميخالف الديرة ليلحين بخير

لا والله مو بخير ولا شي ! ردينا قري بسرعة قياسية يمكن ليه ما قبل النفط على هالفساد الموجود

وجان زين بس فساد إداري
إلا فساد اخلاقي ومالي وفكري وكل شي

الله كريم بعد شنقول