الأربعاء، ٥ نوفمبر ٢٠٠٨

10 × 10 (الجزء الأول)

سياسيا:
  1. ليش وضع الديرة من سيء إلى أسوأ على الرغم من تقليص الدوائر اللي كانت مدخل الإصلاح السياسي؟
  2. لي متى تستمر الفرعيات؟
  3. لي متى يستمر شراء الأصوات؟
  4. لي متى عندنا نواب بس همهم المنع و الحجب و الغلق؟
  5. ليش محمد هايف المطيري ويهه ودر؟
  6. ليش جاسم الخرافي ياب 52 صوت في انتخابات الرئاسة؟
  7. ليش أحمد السعدون طلع التاسع في الثالثة؟
  8. لي متى أحمد الفهد يتدخل و يخرب كل شي؟
  9. لي متى محد محترم الدستور؟
  10. لي متى الشد و الجذب الطائفي في المجلس؟

اقتصاديا:

  1. لي متى شركات الخرافي تلعب بالسوق؟
  2. ليش صغار المضاربين ما يفهمون؟
  3. ليش المضاربين يرفعون لوحة مكتوب عليها سوق المقاصيص لي خسروا؟
  4. ليش صاحبنا عرض زولية للبيع في البورصة؟
  5. ليش خسر بنك الخليج؟
  6. ليش الوطني و التجاري يبون يشترون بنك الخليج؟
  7. ليش ناصر الخرافي يرفّع لحسن نصرالله؟ عشان استثماراته في لبنان؟
  8. متى بتتحول الكويت إلى مركز مالي؟
  9. ليش دار الإستثمار تبي تتحول إلى بنك؟
  10. لي متى و الوضع الاقتصادي يحول الناس إلى هوامير و زوري؟

رياضيا:

  1. ليش في عندنا أندية تكتل؟
  2. ليش في عندنا أندية معايير؟
  3. ليش احمد الفهد و طلال الفهد عافسين الرياضة؟
  4. ليش ما عندنا اتحاد كرة قدم؟
  5. ليش ما يتم تطبيق قوانين الإصلاح الرياضي؟
  6. ليش ما عندنا لاعبين ينذكرون إلا عجب و المطوع و بشار؟
  7. ليش الفيفا علقت النشاط الكروي الكويتي؟
  8. متى بيخلص استاد جابر؟
  9. ليش كل شبابنا انصرفوا للكرة الأوروبية؟
  10. ليش الناس لما ايئسوا من القدم صاروا يشجعون فريق اليد؟

صحافيا:

  1. ليش جريدة الوطن معدومة مصداقيتها و بالمقابل لها أكبر نسبة قرّاء؟
  2. ليش أحمد الجارالله مرتزق صحفي؟
  3. ليش جريدة الدار يوم الإنتخابات حطت بس مرشحين شيعة بالصفحة الأولى و كتبت "انتخبوا القوي الأمين"؟
  4. شلون جريدة الجريدة صارت رابع جريدة في نسبة القراء على مستوى الكويت؟
  5. ليش جريدة القبس وايد دكورت حق هيثم الشايع بالإنتخابات؟
  6. ليش جريدة عالم اليوم محسوبة على التكتل الشعبي؟
  7. ليش جريدة الرأي ما همها إلا الفضايح؟
  8. ليش جريدة الشاهد محد يقراها؟
  9. ليش جريدة النهار تتوزع بالدواوين أكثر مما تنباع؟
  10. ليش جريدة الصوت رازة صورة الخرافي نص صفحة؟

فنيا:

  1. ليش صار الفن الكويتي أغلبه "ممثلين غير كويتيين"؟
  2. ليش مسلسلات نايف الراشد مسخرة؟
  3. ليش ما ترد مسلسلاتنا نفس درب الزلق؟
  4. ليش مسرحياتنا كلها ضغاط و سوالف سفلة؟
  5. لي متى ملاقة البلام و درويش؟
  6. لي متى استهبال داوود حسين؟
  7. ليش ماكو اوبريتات فنية نفس قبل؟
  8. ليش طارق العلي بس يضغط الممثلين اللي معاه بالمسرحيات؟
  9. ليش ميساء مغربي انهبلت؟
  10. ليش هدى حسين عايشه دور الأنثى الرقيقة للحين؟

يتبع... الجزء الثاني

هناك ٢٠ تعليقًا:

Yang يقول...

وانت ليش تعور قلوبنا بهالسوالف, يبيلك مليون جزء :)

تحياتي

Bloggerista يقول...

ليش ميساء مغربي انهبلت؟
ليش هدى حسين عايشه دور الأنثى الرقيقة للحين؟

ليش انت خف طينة؟ :P


أسئلتك مشروعة

ناطرين الجزء الثاني

why me يقول...

ummmmm

اتابع الجزء الثاني عقب اعلق



وحره

خذيت خوووووش رقم من فيفا

;pp

Hamad Alderbas يقول...

متأكد ان بس في جزء ثاني ماكو اكثر ؟!

تحية لك

حياتي هدف مو عبث يقول...

ليش وليش وليش

ماراح انخلص

بس عندي تعليق بسيط وأنا على يقين إنك راح تتقبله من أختك :)


ليش محمد هايف المطيري ويهه ودر؟

ــــ

يعني منو اللي خلقة ؟
عيب او قول اللي تبيه عنه بس
الشكل لأ .. عشان لا تطلع أنت الغلطان
وأحيي فيك إنك قلت اسمه كامل او اسمه الاول محمد ومو بس هايف او الهايف


وعلى فكرة

ما يعجبني اسلوبه ولا طريقته
وكذلك نظرته لبعض الأمور لكن احترمه

:)

Yin مدام يقول...

الله يعينك قلبك متروسة
وقلوبنا متروسة مثلك


سياسيا:
ج3 إلى أن يبطل قسم من الشعب بيع صوته!!
افتصاديا:
يبون يسوون الكويت طبقات ..
رياضيا:
س 7 من صجك؟
وفريق اليد يستاهل
صحافيا:
ج1 بلاغة شف وحب البلبلة
ج الباجي : توجهات يا اخي ومصالح
فنيا:
ج ماكو جواب واحد..الفن هابط والناس لو نبطل تشوفه يمكن يحسون ويرتقون فيه

الله المستعان
ناطرة باجي الأجزاء المليون
:)

Cute But Imperfect يقول...

اذا انت شاطر جاوب على ليشتي لانها تقريبا تجاوب على كل ليشاتك :p

ليش الواحد يفكر بدون عقل ؟

الـبـيـرق يقول...

ودي أجـاوب بـس أخـاف أروح أمـن الـدولـة ... :)

أذا جـاوبـت تـكـفـلـنـي ؟! :d

سرحان يقول...

yang

ادري ماراح اخلص بس قاعد أختصر :)

سرحان يقول...

fashionista

بعض مما عندكم :)

سرحان يقول...

why me

و الله درينا :d

الرقم للبيع؟

سرحان يقول...

حمد

والله قاعد أحول اختصر بس :)

سرحان يقول...

حياتي هدف مو عبث

أخيتي.. خلج على ثقه غني ما اعيب على شكله، اللي قاعد أعيب عليه أهو الكدر اللي ملازم ويهه، أبي له صوره وحدة بس مبتسم فيها، أو موضوع يطرحه و ما يكون وراه حجب و منع و خلق!شاكر لج حرصج :)

سرحان يقول...

yin

و ما خفي "في قلبي" كان اعظم :)

سرحان يقول...

cute but imperfect

ببساطة.. هل أكو شي اسمه عقل هاليومين؟

why me يقول...

لأ


;pppppp

JiBLa CiTY يقول...

ليش مانزلت الجزء الثاني لين الحين؟

Miemie يقول...

ليش للحين ما طلعت الجزء الثاني؟! وسؤال ثاني اهم من الاول:
ليش كلنا نسال نفس الاسئل و اكثر بعد بس محد معبرنا ولا يجاوب عليها(من اللي المفروض يجاوبون)؟!

غير معرف يقول...

الحل الوحيد هو العوده داخل السور و محرقه جماعيه حق اللي بره السور.. و دمتم

joe يقول...

من صجك بعد في اكثر ؟
اصلا الكويت كل شي فيها غلط
اصلا بالغلط طلعت دوله صدام كان تخطيطه سليم انه ياخذ الكويت بس الربع الله يهداهم مو راضين

عورت قلبي

وفي لما قلت حاطين النواب الشيعه في الصفحة الاولى هذي عادي ماعليها اشكال و اذا حطوا سنه نفس الشغله بنقول ليش حطوا سنه يعني اهمه مالهم رب