أمنّا بالله... دقينا على مركز خدمة العملاء الخاص بـ VIVA و سألت بكل بساطة... حبايبي متى أقدر أحجز رقمي؟ الرد كان طبعا أروع ما يكون... "أكيد بأسرع وقت عن طريق موقعنا".. حلو! ماشي! و أجابل موقعهم 4 ساعات بالدوام و شافط على الأمة بكبرها و بس طايحله REFRESH... ما اشتغل!
دقيت عليهم مرة ثانية.. و هالمرّة طوّلوا شوية على ما ردوا.. ما أحط بذمتي ليش.. بس يمكن ليش شركة يديدة و "حزّة غدا" فعذرهم معاهم... جان يردون علي... قلت "يبا موقعكم ما بطّل!" قاللي الموظف "لا ماراح يبطل اليوم"... يه!!!
ميخالف شركة يديدة و مضيعين الشباب ما ينلامون... زين يبا وين اقدر أحجزلي خط الحين؟ قاللي إذا تبي تحجزه الحين روح هالأماكن... و سطّرلي نفس الأماكن الموجودين بالمسج.. طيّب.. رحت المارينا... و أشوف هالجماعة الحليوين شزينهم و لا مو فرع... طلع كشك "عنّونو"... و الجماعة يوزعون "بروشورات"... حبيبي بحجز رقم... لا ماكو حجز اليوم...
و ألحين أنا بالبيت محتر! لا لقيت خط... ولا حتى حجزت! و تأخرت! و زلقت سيارتي بغيت أدعم! و ما تغديت!!! و حتى اسمهم ما ينكتب بالعربي.. خو إذا بكتبه بالعربي يصير "فيفا" ... و ربعنا بالكويت أبد مو حاقدين على فيفا بسبب تعليق النشاط الكروي الكويتي... فبسمّي هالشركة "اللي ما تتسماش"!!! الحين الكل مستنفر و يبي خطوط... و الكل استنفر و اكتتب في اللي ما تتسماش... و هذي آخرتها؟ شكو دازين مسج؟ تفلسف؟ TEASER يعني ويّا الويه؟؟؟
ترا صج احتريت! و صدق من قال...
"جت الحزينة تفرح... ما لأتلهاش مطرح"
****
تحديث - 2:34
و اخيرا وصلني خبر بأن سايتهم تبطل...
دشيت.. و شنو لقيت؟
و مرّة ثانية... جت الحزينة تفرح... ما لأتلهاش مطرح
حوش استعداد ياللي ما تتسماش...
هناك ٤١ تعليقًا:
الموظفين ما يدرون عن شي :S
يمكن لأن توهم بالبداية ..
انت وايد مستعيل :P
لوووول
نفس حالتي بالضبط بالضبط
بس انا رحت الكشك و لقيته فااااضي
بس ما قالو لي روح الموقع و لا شي
بس قالو تبي خط .. روح الكشك .. و انا رايح واحد بغا يدش فيني ..انا ماشي سيده و اهوا طالع من فرعي .. و على سنته الحبيب .. و يوم شافني كع بريك محترم خخخ
viva ....
هذي حركات دعاية
يبون ( يحرمصون ) الناس ... على قولة الحريم
بالواسطة حصلت على رقم ماسي
الرقم : 5555 5555
انا اعرف وحده تشتغل هناك وحاجزه لي رقم ذهبي
حرره
;ppp
انا اقول ناخذ اكياس نوم (SLeep Bags)
ونبسط نفس شغل الميانين الللي ينطرون كتاب هاري بوتر كل مرة
:)
لو يسوون امكانية ان كل واحد يقدر يحصل على نفس رقمه اللي بالوطنية او الاتصالات جان زين
بدون اول رقم بالسبعة القديمة
اتمنى هالشي
مثلا
597797XX
سرحان
الله بالخير، حالها حال الوطنية لما اطلعت، بس تصدق ان زين ميتين خوف منها؟ حتى عندهم فريق كامل وخطط حربية
عاد مابي افضحهم بس أنا اقول أن فيفا راح تكون الأفضل وحسافة على شركاتنا اللي وحده صارت قطرية والثانية خرافية
انت بالكويت و الشركة طاقمها كويتي
لازم شغل
معارف فلان و علان
يعني للحين داخل القوقعه الكويتية
المفروض قبل ما يعلنون على الارقام و الحجز
يتكلمون عن اسعارهم و خدماتهم
bohsain
إي عيل ليش ينشرون هالمسج! تنرفزت و الله
sunfuleye
دير بالك يامعوّد
ابو لطيف
إي قلنا TEASER
بس مو على الطل
غير معرف
للبيع؟ اعلى سعر :d
why me
إي يبه.. شغل واسطات!
jibla city
اتوقع هالشغلة تم الإتفاق عليها ما بين الشركات الثلاث.. تغيير الشركة مع الحفاظ على الرقم
سيفوه
و الثالثة سعودية
enter Q8
كلامك صحيح من وجهة نظر تسويقية
لكن الواسطة و المعارف تطغى على كل شي
معلش
تعيش و تاكل غيرها
ماكو على الوطنية للاتصالات :)
ههههه عجيييب
اي وين تفاصيل خدماتهم و اسعارهم
أو يمكن يبون أول يحصلون عملاء قدر الإمكان عشان بعدين يبلشونهم بأسعار و اشتراكات تكسرالظهر"مرّه"
thanks but no thanks
nEo
محّد وطنية.. جربت الـ customer service مالهم ؟ شوية و يطقون العميل
غير معرف
LOL!
حتى انا كنت بحجز
موقعهم ماتبطل
Sn3a
سايتهم طايح حاليا... توه واحد عطاني هالمعلومة... خوش استعداد!
ما اخس من المربوط إلا المفتلت.
شركاتنا كلها طايح حظها....
شوفوا شركات السعودية قطر مصر ... الخ
وشوفوا الخدمات ...
تسلم اخوي سرحان على الموضوع, صراحة لو مو قاريه جان الحين أنا بالمريناو لوووول.
ملاحظة: عطنا خبر متى ينزلون الخطوط خل نروح :)
و الله يـبـيـلـه رقـم يـاخـي ...
تـشـتـري رقـمـيـن زقـرت .. واحـد تـسـتـعـمـلـه و الـثـانـي تـخـلـيـه لـمـن يـزيـد سـعـره :d
على فكره السايت يشتغل ساعه و يرد يعلق ساعه
كاني توني حصلت رقم حقي و حق اختي :)
حت الكوت بالصدفه لقيت شنوووو زحمه على الكشك
ليش!!
شدعوه!
اهم شي الموظفين يدخنون
:/
السايت شغال :)
لا تحزن يعني متوقع خدمات غير اللي بالساحة حاليا؟؟
قاعدة ذهبية:
"خلك على مينونك لا إييك اللي أين منه"
:))))
yang
الطيور طارت بأرزاقها
البيرق
تستعمله حق شنو يالنزغة؟ :d
و الثاني بيعه علي :)
xx7aiatixx
دنيا حظوظ.. شنصت معاج و الله
why me
خوووووش IMAGE حق الشركة! يدخنون بالكشك مالهم؟؟؟
حياتي هدف مو عبث
عقب ما خلصت الأرقام الذهبية و الفضية!
yin
إي و الله... و الحق ينقال، ما شفت على خدمة العملاء عند زين، صج ممتازة، و هذا اللي يخليني اتمسك فيهم
بصراحة إللي ماله أول ماله تالي
شركة زين و بس !
سالفة الأرقام المتميزة طلعت خربوطة مجرد دعايه
الناس تبحث عن خدمات و أسعار و عروض
مو على أرقام...
منو هالأيام يحفظ أرقام ؟
عتيج الصوف
يعني مسوين حركة.. و جان زين مشت!
ي واحد بالكشك واحد يحوس ويرد الكشك بيدة زقارته
!!
why me
لا بالله خوش سمعة
ألـــف شـــكر أخي الكريم والى أنرى كل جديد
الكويت تستاهل
العفو أبوي، و شكرا على مرورك الكريم
الأولانـي حـق الـفـرارة بـجـمـعـيـة الـمـنـصـوريـة كـل خـمـيـس و يـمـعـة الـسـاعـة 7 بـلـيـل "تـدري خـو نـظـام أول .. جـمـعـيـات و أقـطـع" :p
بـجـم تـشـتـري الـثـانـي ؟! :)
يـا عـمـي خـل يـشـتـغـل اللـنـك بـالأول :(
إرسال تعليق