الاثنين، 5 يناير 2009

عصا في مشاكسة؟؟


تذكرون اللي "لسب" بنات المعهد التجاري بالخيزران؟ ترا مسكين ما كان قاعد يتخذ إجراء إسلامي! اهو بس "كان يعاكس" بالخيازرين... و استخدمهم لشد الإنتباه,,, بس! يعني لو قلنا بأنه تابع لمجموعة الأمر بالمعروف و النهي عن المنكر لكان تم اتخاذ الإجراءات ضده.. و هذا شيء من المفروض عمله... لكن مسألة إنه يطلع "خبل" يعاكس البنات بالخيازرين.. و الغير محجبات منهم بس؟ فهذي شغلة غريبة...
أمامي فرضيتين... إما أن يكون التصريح بالأعلى "تغطية غبية" لشيء لا أعلم ما هو... او أنه رجال الداخلية "أغبياء" لتصديق هالموضوع! لا و ما عليه قضية! انا من باجر بمسك خيزرانة و بتمشى بأي مجمع تجاري و ألسّب كل البنات! دام إنها "مجرد معاكسة" فماكو إلا العافية!
المصدر: هنا
****
تحديث:
ملف القبس عن هيئة الأمر بالمعروف و النهي عن المنكر.

هناك 34 تعليقًا:

nEo يقول...

تدري شنو معنى الكلام ؟

يعني اشوه ترى مو اجراء اسلامي ، ترى واحد خبل !!!

يعني هذا الاجراء ممكن يكون اسلامي صح ؟ بس تطمن هل مرة ماهو اسلامي ! اوكي عدل كلامي ؟

بس يتساوى الاجراء الاسلامي مع تصرفات واحد خبل !

بس الحمد لله ما طلع اسلامي طلع خبل


و الله الخبل اللي مصرح و يحاول يغطي على السالفة بكل حماقة

ناس ما عندها لا دم و لا اخلاق و لا شرف

اصحاب الخيازرين اما الداخلية ، فكلهم شرف و امانه و ,,,,,,صدق !

الوزير الإصلاحى الشاب الدكتور أبو جـيـج يقول...

معلش بس المعاكسة بالخيازرين هى من الوسائل المعروفة و المحببة لخطف قلوب العذارى

لسبتين على الظهر و البنت إتقط رقمها



و إذا كنا نتحدث عن إختطاف...فنتذكر هنا طالبة المعهد التجارى و التى تم إختطافها و قص شعرها عنوة.....الأخوة المختطفين إطلعوا أصحاب صالون و قاعدين يجربون تسريحة جديدة


لا تركز و إتمحص كثيرا ببيانات الداخلية....البلد آمن و لله الحمد الكل يأمر بالمعروف و ينهى عن المنكر

أبو لطيف يقول...

الظاهر الولد كان

سرحــــــــــــان

مع الخيزرانه

احسنوا الظن :)

والله المستعان

ma6goog يقول...

الجواب هو فساد الداخلية .. و داخلية الفساد

حاميها حراميها او حراميها حاميها

x7aiatix يقول...

بالضبط مثل ماقلت ــ>> إما أن يكون التصريح بالأعلى "تغطية غبية" لشيء لا أعلم ما هو... او أنه رجال الداخلية "أغبياء" لتصديق هالموضوع!

يعني السالفه غبااااء في غبااااء ولازم الناس يصيرون اغبيه عشان يصدقون التصريح!

احمد سالم يقول...

عادي عادي عادي
إلي أسمعه إنه التظبط صار نفس الإنسان الاول يتمشى مع عصا واللي إتعجبه إصكه على راسها ويسحبها من شعرها
ألعن أبو الجهل والإستخفاف بعقول الناس

bof-10 يقول...

لين الحين عبالهم الشعب الكويتي شعب بنقالي ...ترا مختربه عندهم الحسبه الظاهر ....

سيدة التنبيب يقول...

ليش لأ عادي ..
ديرة عجايب و غرايب

بس هدوه لأن البنات ما رفعوا قضية ؟!!

حياتي هدف مو عبث يقول...

عادي اشفيك هذا لغة العصر مثل الجواتي
والله يعين بعد جم يوم شراح يطلع لنا

الله يستر علينا :)

الـبـيـرق يقول...

سـامـع عـن غـجـر الـكـويـت ألـي دشـوا عـلـيـنـا بـعـد الـغـزو ؟!

:)

Ω Tranquility Ω يقول...

لا على الغبي حرج
يعني خلاص لاتظلمونه مسكين

اوكي خلينا نفرض ماسك خيزرانه يطق ثنيتين ومو محجبات ويسبهم بعد؟؟

بالله هاذي طريقه يديدة للترقيم بالكويت عيل البنات بدال لايردون يتف*ون عليهم وبس يصير المغازل المتبع

اي تعال شلونه رفيجه ولا يايين يضبطون حق بعض؟
كل واحد ماخذله خيزرانه

وفي سر انه البنت تنازلت عن القضيه لماذا؟؟

وحلف الولد : والله والله ورب الكعبه ماعيدها >>> كتبوا تعهد كأنها طقه على ايده عشان ثاني مرة مايعيدها


شاطر شاطر
الي يطق بنات الناس بالخيزرانه
شاطر شاطر

ويتفل ويلعنه اهلو شنو ينقلو
كافر كافر

abu eldestor يقول...

السالفة ضايعه

أحمد الحيدر يقول...

هههههه والله شر البلية ما يضحك ..

الله يهداهم ربعنا بالداخلية اللي يذبح امريكان .. مينون ..

اللي يذبح عياله .. هم مينون ..

اللي خطف اخته .. مينون ..

ما صارت نص البلد ميانين !!!

والله أذكر سوينا موضوع .. ملف بالقبس .. عن " المجانين بإرادتهم " .. تدرون الرقم جم ؟ تقريبا 50 ألف ملف بالطب النفسي .. والله رقم مو هين !!

وعلى فكرة باجر ملف .. احم احم تعبت والله بقيادة فريقه ;p .. عن هيئة الأمر بالمعروف والنهي عن المنكر .. اتمنى نسمع رايكم ..

سرحان أول من ينشر أنت كالعادة مبدع ماشالله عليك .. بنطرك تنشره وأعلق عندك ;p

تحياتي للجميع :)

طموحة مملوحة يقول...

يالهوي على الترقيعات :(...

سرحان يقول...

nEo

و شنو الفرق بين واحد يفرض الوصاية بخيزرانة و ثاني يعاكس بخيزرانة؟ بالنسبة لي نفس الشي

سرحان يقول...

بو جيج

يالله ارزقنا بخيزرانة جووود نحصل جم قلب!

سرحان يقول...

أبو لطيف

بيني و بينك أهو كان متنّح شوية

سرحان يقول...

ma6goog

اللهم يا كافي... الداخلية بروحها يبيلها لجنة تنظفها

سرحان يقول...

x7ayatix

و في أغبياء يصدقون!

سرحان يقول...

احمد سالم

تهقى عطاها الرقم على لوح حجري؟ :q

سرحان يقول...

سيدة التنبيب

إي و اكتفوا بتحرير بعض المخالفات "المرورية" :)

سرحان يقول...

bof-10

البوصلة ضايعة يا حجي !

سرحان يقول...

حياتي هدف مو عبث

أحلى لغة... لغة الخيازرين

سرحان يقول...

البيرق

سامع سامع

سرحان يقول...

Ω Tranquility Ω

البيوت .. أسرار :q

سرحان يقول...

أبو الدستور

منهو يلاقيها؟

سرحان يقول...

أحمد الحيدر

بو عبدالحميد.. الهبّة القادمة.. كل مدون مينون

سرحان يقول...

طموحة مملوحة

و مو أي ترقيعات... أغباها
منقينها نقوه

TruTh يقول...

لوووووووووووووووول

شقول و شحجي لمّيمتي!!!

سرحان يقول...

TruTh

اخاف احجي و علي الناس يحجون! شيقولون؟ تولع بالمحبة و صار مجنون :q

أحمد الحيدر يقول...

والله يخوي اذا اشتغلوا على المدونين بالتضييق ماكو الا هالحل ;p

Mother Courage يقول...

عندي تعليق على "فرح قلبي فيها يالازرق" شنهي اللي فيها؟ آنا خابرة الكاس مذكر مو مؤنث

سرحان يقول...

Mother courage

هذي جملة شهيرة لأحد المعلقين، أتوقع خالد الحربان، سمعتها في سنة 2004 كمقدمة لأغنية سووها طلبة في جامعة الكويت عشان المنتخب الأولمبي.

و مو شرط يكون الكاس... ممكن تكون "البطولة"، أو "المباراة"، أو "التمريرة"، أو "ضربة" الجزاء :)

شاكر لج مرورج و نورتي المدونة

سرحان يقول...

اللي قالها مو الحربان...

حمد بو حمد