الثلاثاء، ١٠ فبراير ٢٠٠٩

لو...



أسميهم أبطال العلوم الإدارية و مركز العلوم الطبية... عملهم كان من أجل و سيبقى لأجل الطلبة... و الكويت! استقوى عليهم الأخوان، من خلال مواردهم و مناصبهم و "أذيالهم" في الجامعة... و ما زالوا يقاومون. إلى الأمام.. و إذا "فكَّرَت".. "فكرَت بس" العمادة باتخاذ أي إجراء ضدكم، تلاقونا ظهر لكم...
.
أمنيتي بسيطة... و إذا تحققت ماراح يوقف شي جدامكم... لا أخوان الجامعة.. ولا حدس... و لا تنظيم الأخوان بكبره! آاااااااخ...
.
.
لو تتحالفون! وسط و مستقلة و أكاديمية و هندسية
(بعد الفلترة من الشوائب)
.
.
المقابلة الكاملة: (للأسف في جريدة الوطن)

هناك ٣٨ تعليقًا:

Zaydoun يقول...

كفو والله... عساهم عالقوة

الصراحة راحة يقول...

فلتره ان شاء الله .. بس ان تحالف لا!
الله يوفق الجميع بالتصدي للاخوان دون تحالف للمستقلة مع احد ..

Mohammad Al-Yousifi يقول...

الى النهاية

العدالة الكويتية يقول...

اممم القوائم المطروحة بينها خلاف أيديولوجي كبير، ولا تجمعها فكرة واحدة، فقط يجمعها منافس واحد في المركز الثاني بجمعياتها، وبالمركز الأول لاتحادها، لا أحبذ التحالفات دون قاعدة فكرية مشتركة، ومبرر وجود منافس مشترك ليس كافٍ برأيي!؟

هناك حرقة كبيرة بالمقال تعرف عن روح شابة لم تتخرج بعد :) شباب دائم إن شاء الله، والحمد لله رب العالمين.

غير معرف يقول...

بدع !!!

Don Juan يقول...

لو توحدوا اعرف انه القيامة ما بقى عليها شي :)

كاريكاتير يقول...

مرحبا

احن الوقت للإعتراف بأن الخلافات بين تلك القوائم الطلابية كانت على خطأ والصحيح ان الجميع يجب أن يتفق ويتنازل من اجل الكويت لصد الاخوان اللي شوهو كل ما هو جميل في جامعة الكويت..

ايدنا بإياديكم خلوها تعلى فيكم!!

عبدالله العبدالجليل يقول...

أحب اشكرك بصراحة اخي سرحان على هالطرح الراقي و الجميل
و انوه ان في مقابلة ثانية على جريدة الجريدة...
http://www.aljareeda.com/aljarida/Article.aspx?id=97085

غير معرف يقول...

اول شيء مشكور على نقلك للموضوع لكن للاسف عليك انت الي حاط للاسف المقابلة في جريدة الوطن
باعتقادي الشخصي البسيط ان هنالك تعاون كبير بين الوطن و القوى الطلابية وليس الامر محصور على الاخونجيه في الوطن و هذا الامر الي خلى الوطن تتبنى العديد من القضايا للقوى المدنية و المستقلة في الجامعة
كما ان باعتقادي الشخصي البسيط ان تحالف القوئم اتي باي طريقه كانت و لكن للاسف الشديد اذا كان تفكير المدونين بهذي الطريقة بسبب ان الوطن و سوالف الناقلات فاعتقد ان على الدنيا السلام
وماكو اثنين يختلفون بان الوطن اقوى و احسن جريدة على مستوى الكويت و الخليج بعد
ولو انها مو انها على قولتك للاسف ارجع للارشيف و شوف القضايا الي قاعده تطرحها في الجامعة و الهجوام و غيره من هالامور الي تدعم الوسط و المستقلة بعد
وملاحظه ارفع تليفونك و اسال الابطال شنوو الوطن و كيف معاملتها معاكم و شنو تختلف عن الجرايد الثانية و بعدها اكتب للاسف يا سرحان

سرحان يقول...

زيدون

إي و الله

سرحان يقول...

الصراحة راحة

ليش بالله التحالف إلا مع المستقلة؟ عاد تصدقين إهي القائمة اللي صج يبيلها تفلتر :)

سرحان يقول...

مطقوق

إلى آخر رمق

سرحان يقول...

العدالة الكويتية

إذا تم نبذ الخلافات,,, و تمت الفلترة السليمة راح تلاقي القاعدة الفكرية اللي توحدهم

سرحان يقول...

و الموت يعشق.... إلخ!:

فعلا بدع!

سرحان يقول...

دون:

ماكو شي بعيد

سرحان يقول...

كاريكاتير

المفروض من زمان يتفقون بوجود "قلة" من العقلاء... لكنها غوغائية الأغلبية يا عزيزي

سرحان يقول...

عبدالله

ياخوي احتريت من موقع الجريدة هاللي مو راضي يتبطل عندي! و لو أدري جان ما حطيت لنك الوطن

سرحان يقول...

غير معرف..

كنت اتمنى إنك تحط إسمك... لأن محد بيكتب هالكلام إلا إذا كان واحد من ربعهم...و صدقني أنا من الناس اللي "يحوشهم اشمئزاز" من هالجريدة (جريدة الوطن)... تبقى جريدة خليف! و تقوللي أحسن جريدة؟ حبيبي إنت وين عايش؟ إصحى!

و حط إسمك مرة ثانية! عشان اعرف منو أكلم@!

فريج سعود يقول...

اضم صوتي لصوتك

عبدالله العبدالجليل يقول...

سرحان اللنك يشتغل عندي بشكل عادي!

دش موقع الجريدة صفحة (اكاديميا) و بتلاقي اللقاء كامل

الصراحة راحة يقول...

سرحان .. انا ماقلت المستقلة مايبيلها فلتره بالعكس يبيلها فلتر كبير بعد! تكلمت عن المستقلة لانها القائمة اللي انتميت لها طول فترة دراستي بالجامعة ما ادافع واتكلم عن بقية القوائم يقدرون يرفضون الفكرة بعد ..

مابي المستقلة تصير مثل تحالفات الوسط والائتلافية المختلفين . والمجتمعين على منافسة المستقلة بالسابق

چـــنـــدل يقول...

تحالف !
الله لا يقوله

سرحان ينيت ؟
2 قهوة 2 قهوة
سوها بيدك سوها بيدك

بعد مو اول تسويلي قهوه :P
ـــــــــــــــــــــــــ

انا عندي خطة احسن من التحالفات بمليون مرة
بس يبيلها قرار

وين ايامكم يا سرحان
لو تاخذون ماستر وتردون يكون احسن

@alhaidar يقول...

الله يعين ..


يبيلهم القائمة الجامعة تجمعهم ;)

@alhaidar يقول...

ئي ومن بعد إذنك اخوي سرحان ..

الأخ غير معرف يقول مافي اثنين يختلفون إن جريدة الوطن أحسن جريدة في الكويت والخليج بعد ..

بس حبيت أقوله إن أنا واحد من الاثنين :)

وتحياتي مجددا :)

Cute But Imperfect يقول...

الحين وقت سؤال واحد من هالابطال عيل..
شتسوا عليك يوم "تفلت" على زميلك في الكليه "بعد الطق طبعا" بسبب الانتخابات يوم انك ناوي تدشها صح و تصير بطل!!

وااااايد تفلتر يبيلها السالفه!
و انا من اول ما دشيت الجامعه و قاعده اقول يبيلكم تتحدون بس محدر راضي يسمع.. يقولون لك المبادئ غير.. ما دروا ان اغلب اللي يصوت لهم لسبب واحد بس.. انهم مووو الائتلافيه و ليس لان مبادئ الوسط احسن من المستقله و غيره!
و بالاخيييييييييير طقوا بعض!
و النعم بابطالنا صراحه!

enter-q8 يقول...

لو لو
يا كثر ما نلولوو

غير معرف يقول...

الى الأمام!! لا تتلفتون فكلنا سند لكم!

كفو و عساكم على القوة!!

سرحان يقول...

فريج سعود

محتاجين أصوات الكل معانا

سرحان يقول...

عبدالله

إن شاء الله أشوفها الحين

سرحان يقول...

الصراحة راحة

و شنو اللي يميز المستقلة عن باجي القوائم؟ هل ذاتها مصونة لا تمس؟

لا تنسين إني كنت عضو فيها لسنين طويلة بعد.. انا من أشد مؤيدي التحالف مع بقية القوائم، بشرط ان يتم "تنظيفها"

سرحان يقول...

*ملاحظة:

كلمة "تنظيفها" عائدة على المستقلة!

سرحان يقول...

جندل؟!

بو أكرم... 2 قهوة.. سوها بيدك :)
الحل طال عمرك هو بـ:

1- التنظيف و الفلترة "كاني قاعد أكررها"
2- بالتحالف

سرحان يقول...

أحمد الحيدر

و الله ايام! الرسالة كانت جدا راقية

سرحان يقول...

Cute but Imperfect

تعرفين فلاتر دكتات التكييف المركزية؟

:d

سرحان يقول...

Enter-Q8

يا ألولو لوحدي يا تلولووو معايا

سرحان يقول...

غير معرف

إي والله كفو

مستفسط يقول...

يا اخي خل يتحالفون تحت اي مسا ... ويغيرون من الهيكله
حتى لو ما يحطون منسق

بس هم اقول يبيلها رجال

غير معرف يقول...

رجال !
الله يوفقكم يا مستقلة و يا وسط و يا أكاديمية :) ..

و نؤيد التعاون و التبادل بين الأصوات المبدئي بين القائمتين و التحالف مع مر الأيام سيفرض نفسه تلقائياً ..