قام من النوم... طلع من غرفته "يعري" و راسه يعوره من الفرارة بالقنوات أمس بالليل... ما نسى يقلّب بمسجات تلفونه "اللي محد يعرف رقمه" إلا السكرتارية... و النواب... و جم وزير.. إيه نعم، جم وزير! :d
ما نسى يطالع إعلان "مجموعة الناخبين" اللي حطوا اسمه "بقائمة المشكورين" على موقفهم من الإستجواب و حاول يقيسه بالمسطرة عشان يصمم له برواز، بس بيني و بينكم؟ ما عنده مسطرة :d ... يمسح مسجات الشكر على "التصويت بالاستجواب"... و دعوات العروس "إللي ربعه" النواب بس مسوين لها forward و دزوها له... بالغلط! وقف عند مسج وصل الفجر، الساعة 4:34 صباحا من واحد من السكرتارية...
نص الرسالة...
"يا بو فلان! ترا وزيرك لبّسنا الطوق!... الملف اللي يقولك دزه للنيابة قبل الأستجواب، النيابة ردته قبل الاستجواب!"... و تنّح صاحبنا، و لسان حاله يقول "أحيييه يا بو سوسو.. أحييييه... عيل شنو الأوراق اللي كان يشوّح فيها بالاستجواب؟"... http://www.kuwait-airways.com/... و دور أسرع حجز... كويت - واق واق - كويت.
هذا اللي فوق... ممكن إنه يكون تصوّر بسيط لردود فعل بعض النواب بعد قراءة مقال محمد الوشيحي اليوم في جريدة الجريدة، باختصار، الوزير الطفل الكبير... أرسل رسالة للنيابة و ردوا عليه قبل الاستجواب قالوله "شتبي إنت؟"... بس حبيبنا وقف بالاستجواب و قال أنا حولت الملف للنيابة.. و شوّح بأوراق! طيب شنو هالأوراق؟ و شلون تقول جذي و النيابة رادة عليك قبل الاستجواب؟ مادري ليش شاااام ريحة غريبة؟؟؟ ريحة "إبل... و نوووووق"!
بو فيصل... ما لك نية ندوة يديدة بسكوب؟
عباس يبيك بسالفة.. :)
هناك ٢٣ تعليقًا:
انا محد حارني الا الوشيحي
معقولة حتى مدونين تونس و المغرب اليوم حاطين لنكات حق مقالته!؟!
بوست مسكت !
وأحلى ما فيه الختام
" بو فيصل... ما لك نية ندوة يديدة بسكوب "
صج لي قالوا ختامه مسك .
تحياتي
شفت صادوه حلقة الاصنصير ؟
ردة فعل طبيعية :P
اما علي الراشد فمشكلتة
انه ماسك البردعة وسايب الحمار؟!!
عباس هالمرة اتوقع يغسل شراعه لول
خازوق محترم .. لـ30 واحد
لووووووول اتوقع عباس راح يستخف يمكن والله اعلم ياكله
اللي يعرف وين على الراشد الحين
جائزته بلاي ستيشن
وناطرين ردود فعل النواب 32 بعد المقلب الجميل ! هل يسكتون ولا بدافعون ولا يعتذرون !
ولاعزاء للشعب الكويتي
احيه احيه احيه
علي الراشد = كاسكو
سلوى الجسار = يا أبلتي
يوسف الزلزلة = خيانه
جابر الخالد = مرسي الزناتي تهزم يا منز
----------------
سود الله وجيهكم
عادي بيمشي على نظام الاخونجية ..
يقولك نا ما جذبت فعلا احلته للنيابة مثل ما قلت ..
بس انتو ما سألتوني شصار بعدها ;p
تحياتي ..
مطقوق
تكفه أبي هالمدونات
بو بدر
حياك الله :)
فريج سعود
إي شفتها.. صادو الصيرفي شر صيده
خالف تعرف
في ردود أفعال استلزمت استخدام دوا المصارين المعروف بـ Omeprex لتلافي الإحراج أمام الناخبين
As you Like
32 و انت صاج.. عباس يدوره دوارة الحين
Eng Q8
و الله يبيييييه
أبو الدستور
حط معاها جيم اساسينز كريد و أدش المسابقة
مركبنا
ألحين بنشوف تحولات و انسداحات و انبطاحات
أبو الوليد
عبالك يدرون عن الشعب؟
أحمد الحيدر
طبيعي جدا! شوف رد الداخلية
استخدام وقتي لورقة القضاء
ثم اعتماد على قصر ذاكرة الناخب!
وعدم تحركنا لمحاسبة ممثلينا.
اخي الكريم والعزيز
عندنا مدونه جديده اختلفت فيها التوجهات وتجمعت حول الوحده الوطنيه الرجاء منك مساعدتنا في نشرها بين قرائك حتى نصل لاكبر عدد من الشخوص الكرام وتكون لنا كلمه لبناء الكويت
الرابط:http://e7saswa6an.blogspot.com/
إرسال تعليق