الأحد، ١٢ يوليو ٢٠٠٩

لبّسكم الطوق.. :)




قام من النوم... طلع من غرفته "يعري" و راسه يعوره من الفرارة بالقنوات أمس بالليل... ما نسى يقلّب بمسجات تلفونه "اللي محد يعرف رقمه" إلا السكرتارية... و النواب... و جم وزير.. إيه نعم، جم وزير! :d

ما نسى يطالع إعلان "مجموعة الناخبين" اللي حطوا اسمه "بقائمة المشكورين" على موقفهم من الإستجواب و حاول يقيسه بالمسطرة عشان يصمم له برواز، بس بيني و بينكم؟ ما عنده مسطرة :d ... يمسح مسجات الشكر على "التصويت بالاستجواب"... و دعوات العروس "إللي ربعه" النواب بس مسوين لها forward و دزوها له... بالغلط! وقف عند مسج وصل الفجر، الساعة 4:34 صباحا من واحد من السكرتارية...

نص الرسالة...
"يا بو فلان! ترا وزيرك لبّسنا الطوق!... الملف اللي يقولك دزه للنيابة قبل الأستجواب، النيابة ردته قبل الاستجواب!"... و تنّح صاحبنا، و لسان حاله يقول "أحيييه يا بو سوسو.. أحييييه... عيل شنو الأوراق اللي كان يشوّح فيها بالاستجواب؟"... http://www.kuwait-airways.com/... و دور أسرع حجز... كويت - واق واق - كويت.

هذا اللي فوق... ممكن إنه يكون تصوّر بسيط لردود فعل بعض النواب بعد قراءة مقال محمد الوشيحي اليوم في جريدة الجريدة، باختصار، الوزير الطفل الكبير... أرسل رسالة للنيابة و ردوا عليه قبل الاستجواب قالوله "شتبي إنت؟"... بس حبيبنا وقف بالاستجواب و قال أنا حولت الملف للنيابة.. و شوّح بأوراق! طيب شنو هالأوراق؟ و شلون تقول جذي و النيابة رادة عليك قبل الاستجواب؟ مادري ليش شاااام ريحة غريبة؟؟؟ ريحة "إبل... و نوووووق"!


بو فيصل... ما لك نية ندوة يديدة بسكوب؟
عباس يبيك بسالفة.. :)

هناك ٢٣ تعليقًا:

Mohammad Al-Yousifi يقول...

انا محد حارني الا الوشيحي

معقولة حتى مدونين تونس و المغرب اليوم حاطين لنكات حق مقالته!؟!

bo bader يقول...

بوست مسكت !

وأحلى ما فيه الختام

" بو فيصل... ما لك نية ندوة يديدة بسكوب "

صج لي قالوا ختامه مسك .

تحياتي

فريج سعود يقول...

شفت صادوه حلقة الاصنصير ؟

خالف تعرف يقول...

ردة فعل طبيعية :P

اما علي الراشد فمشكلتة

انه ماسك البردعة وسايب الحمار؟!!

As YoU LiKE يقول...

عباس هالمرة اتوقع يغسل شراعه لول

خازوق محترم .. لـ30 واحد

Eng_Q8 يقول...

لووووووول اتوقع عباس راح يستخف يمكن والله اعلم ياكله

الدســتور يقول...

اللي يعرف وين على الراشد الحين
جائزته بلاي ستيشن

مركبنا يقول...

وناطرين ردود فعل النواب 32 بعد المقلب الجميل ! هل يسكتون ولا بدافعون ولا يعتذرون !

ابوالوليد يقول...

ولاعزاء للشعب الكويتي

أهل شرق يقول...

احيه احيه احيه

علي الراشد = كاسكو
سلوى الجسار = يا أبلتي
يوسف الزلزلة = خيانه
جابر الخالد = مرسي الزناتي تهزم يا منز
----------------

سود الله وجيهكم

@alhaidar يقول...

عادي بيمشي على نظام الاخونجية ..

يقولك نا ما جذبت فعلا احلته للنيابة مثل ما قلت ..

بس انتو ما سألتوني شصار بعدها ;p

تحياتي ..

سرحان يقول...

مطقوق

تكفه أبي هالمدونات

سرحان يقول...

بو بدر

حياك الله :)

سرحان يقول...

فريج سعود

إي شفتها.. صادو الصيرفي شر صيده

سرحان يقول...

خالف تعرف

في ردود أفعال استلزمت استخدام دوا المصارين المعروف بـ Omeprex لتلافي الإحراج أمام الناخبين

سرحان يقول...

As you Like

32 و انت صاج.. عباس يدوره دوارة الحين

سرحان يقول...

Eng Q8

و الله يبيييييه

سرحان يقول...

أبو الدستور

حط معاها جيم اساسينز كريد و أدش المسابقة

سرحان يقول...

مركبنا

ألحين بنشوف تحولات و انسداحات و انبطاحات

سرحان يقول...

أبو الوليد

عبالك يدرون عن الشعب؟

سرحان يقول...

أحمد الحيدر

طبيعي جدا! شوف رد الداخلية

أخبار الاتحاد يقول...

استخدام وقتي لورقة القضاء
ثم اعتماد على قصر ذاكرة الناخب!
وعدم تحركنا لمحاسبة ممثلينا.

جبريت يقول...

اخي الكريم والعزيز

عندنا مدونه جديده اختلفت فيها التوجهات وتجمعت حول الوحده الوطنيه الرجاء منك مساعدتنا في نشرها بين قرائك حتى نصل لاكبر عدد من الشخوص الكرام وتكون لنا كلمه لبناء الكويت

الرابط:http://e7saswa6an.blogspot.com/