الأحد، ١٦ نوفمبر ٢٠٠٨

10 × 10 (الجزء الثاني)

إعلاميا:

1. ليش زايدة هاليومين المجلات الشبابية؟
2. ليش كل من كتبله مقال صار عباله إنه وصل مواصيل المرحوم د.أحمد الربعي؟
3. ليش زادوا عندنا كتّاب الروايات التافهة من الشباب؟ ناقصين تفاهات؟
4. ليش كل من كتب له روايه قام يتمشى و هو ماسك روايته و يقعد يقراها؟ بديت أشك إنك كاتبها!
5. ليش الكل مستانس على مايك مبلتع؟
6. ليش أكو مذيعة سكرانة تسب و عالهوا بإذاعة الكويت؟
7. ليش نواف القطان شعره جذي؟
8. ليش سالي القاضي مليقة؟
9. ليش فؤاد الهاشم ما يستحي على ويهه؟
10. ليش أكو دكتور جامعي يكتب بالوطن عن الأخلاق و الفضيلة و هو عليه قضايا إعتداء جنسي بالمحاكم؟
شوارعيا:

1. ليش الهنود لي ساقوا عبالهم شارع أبوهم و يا ويل اللي يصير يمهم أو جدامهم؟
2. ليش أخواننا المصريين (مو كلهم... أغلبهم) لي ساقوا يحبون يتقلقصون بين السيارات و بالذات بالزحمة؟
3. ليش الحريم (مو كلهم.. أغلبهم) لي ساقوا ما يلتزمون بحارة وحدة و يمشون فوق الخط الفاصل بين حارتين؟ وناسة؟
4. ليش وايد حريم يشبون الليت العالي الصبح؟
5. ليش أصحاب مكاتب التكاسي الجوالة اكثرهم ضباط بالمرور؟
6. ليش أكو وايد عمال يخطرون الشارع مع إنهم واقفين يم جسر المشاة؟
7. ليش أكو يهال يبيعون عطور تييب الحساسية عند الإشارات؟
8. ليش الناس لي شافوا دورية بالشارع خففوا يمها و طالعوها؟
9. ليش الناس إذا صادتهم كاميرا بالشارع يطقون بريك؟
10. شنو سر سيارات الكولت اللي مركبة ليتات زينون؟
انترنتياً:

1. ليش أكو وايد منتديات من نوع "دمعة حزن"... "مكسور الجناح"... "شبكة معمع"... "منتديات فخفخ"؟؟
2. ليش المواقع الكويتية و بالذات الحكومية ممكن اختراقها بسرعة؟
3. ليش عندنا معترفين بس بشركتين انترنت و الثالثة محد يدري عنها؟
4. ليش هايف يبي يحجب يوتيوب؟
5. ليش المواصلات يبون يراقبون و يحجبون بعض المدونات؟ (معصي!!)
6. ليش وزارة الإعلام مراقبين مدونات وايد و منها مدونتي الفقيرة؟
7. ليش د. فيصل المسلم فاتح بورفايل في فيسبوك؟
8. ليش ما يصير عندنا انترنت نفس اليابان؟ 1 GBPS ؟؟
9. لي متى كله إيميلات "أستحلفك بالله ان ترسله لعشرين شخصا و لك الأجر" ؟
10. تدرون إن أكو واحد محرّم استخدام لفظ "برب – BRB" و يقول إنه دسيسة غربية متربصة بالجيل الإسلامي و فيه إهانه للفظ الجلالة؟

طلابيا:

1- ليش الإئتلافية قياداتها محصورة على الأخوان؟
2- ليش المستقلة انحرفت عن مسارها اللي بدأ في أواسط التسعينات و صارت قائمة قبلية متأسلمة؟
3- ليس الوسط الديمقراطي ما يفوز على الرغم من رقي طرحه؟
4- ليش السلف و الأخوان متحالفين في الجامعة؟
5- ليش الإئتلافية يقولون إحنا مو أخوان جدام الطلبة؟ و لما نصير وياهم بروحنا يتكلمون عن حدس و يتفلسفون؟
6- ليش المستقلة مستانسين الانتخابات اللي طافت على رقمهم؟ مع إنه نسبتهم طايحة 3% ؟؟
7- ليش القائمة الإسلامية صارت بالمركز الرابع؟ سياسة الإختراق ما فادتكم هالمرّة؟
8- ليش السلف دايما ياخذون لجنة التثقيف و التوعية الإجتماعية بالإتحاد؟
9- تدرون إن اللي يقول عن المستقلة قائمة وطنية (حاليا) فهو غلطان؟
10- تدرون إن الإئتلافية قاعدة تفكر جدياً في إحتواء المستقلة قاعديا بعدما احتوتها فكرياً؟
شخصيا:

1- ليش عندي مدونة؟
2- ليش قاعد أحر نفسي و أكتب مواضيع فيها؟
3- ليش أنا ما أطلع من البيت إلا قليل؟
4- ليش قاعد أكتب هالبوست بالدوام؟
5- ليش تلفوني يعلّق؟
6- ليش ماني قادر انام عدل؟
7- ليش راسي يعورني؟
8- ليش zooz و Fashionista يحنّون يبون الجزء الثاني من هالموضوع؟
9- ليش دوامي 8 ساعات؟
10- تدرون إنه هالبوست هذا رقمه 100؟؟ و اللي يساوي 10 × 10؟؟

تحياتي

هناك ٢٥ تعليقًا:

Yang يقول...

الله يعينك.

حنت بعض الناس مو شي :)

غير معرف يقول...

مايك مبلتع قطاته مو صج

و اللي يكتب بالوطن عسى مو د. خالد؟

سرحان يقول...

yang

كلش مو شي

سرحان يقول...

غير معرف

نحاول نسمع له.. اما بالنسبة للدكتور.. الله يستر عليه :) خلها بدون أسامي :)

حياتي هدف مو عبث يقول...

عجبتني السالفة واايد

في بعد أجزاء ؟

Yin مدام يقول...

الله يعينك ويعينا على هالليشات!!

اعلاميا:
جواب سؤالك سؤال
ليش الناس تقرالهم وتعطيهم ويه؟
لو ما فيه جمهور وطلب ما فيه عرض
ورقم 9: ليش هو يعرف الحيا؟

وشوارعيا:
ما تخلص الليشات
كل طلعة تنقص من عمرك يوم!!


وzooz تحن؟؟ ما أصدق !! P:
حبيبتي زوز

ومبروك بوست المية
اليوبيل الذهبي يبيله احتفال :))

حاطين لك نصائح طبية على تعليقات بوستنا :) وسلامات

Bloggerista يقول...

لووووول

والله ما أنلام لي طحنت أبي البوست :P

2. ليش كل من كتبله مقال صار عباله إنه وصل مواصيل المرحوم د.أحمد الربعي؟
3. ليش زادوا عندنا كتّاب الروايات التافهة من الشباب؟ ناقصين تفاهات؟


لوووووووول أعرف واحد ينطبق عليه هالسؤالين اللي فوق :P



5. ليش الكل مستانس على مايك مبلتع؟
حرام عليك و الله دمه خفيف



8- ليش zooz و Fashionista يحنّون يبون الجزء الثاني من هالموضوع؟

مادري عن زووز بس انا شخصيا الطحنة و اللقافة بدمي ;P

الدســتور يقول...

تحياتي
على هالبوست

Mohammad Al-Yousifi يقول...

اي ليش؟

Miemie يقول...

i have answers to some ;p
3ndy su2al tewaq3t t7e6a Leish 7a6 surat 3adel Emam?? yshbhek? ;p
Oo happy 100 posts
:)

منطلقة بطموحي يقول...

الله يعطيك العافية اخوي :)
و هدي اعصابك .. الحياة حلوة :)
و بخصوص الائتلافية ;p مو كلهم اخوان ..
و لا انا من الاخوان .. و اعرف بنات ماسكين مناصب مهمة و اهو مو من الاخوان .. :)
عيزنا و احنا نقول هالكلام .. بس كيفكم ما تبون تصدقون شي راجع لكم يا اخي الكريم :)
و قواك الله :)

أبو لطيف يقول...

عندك حر :(

مو مشغل التكييف ؟

....
هالبوست هذا رقمه 100؟؟ و اللي يساوي 10 × 10؟؟
.....

ان شاء الله 100 الف

دمت بحفظ الله

سرحان يقول...

حياتي هدف مو عبث

كل شي جايز، إذا في بالمستقبل إن شالله بتعرفون :)

سرحان يقول...

yin

شكرا شكرا... إي تحن :d
و بسميها الحنانة لين تنفذ طلب يدور في بالي بس لازم أتأكد من شغلة أول :)

سرحان يقول...

fashionista

حتى انا اعرفه :d

سرحان يقول...

abu aldestor

تحياتي لك و للدستور :*

سرحان يقول...

ma6goog

مادري! :)

سرحان يقول...

miemie

صورة عادل إمام تماشيا مع السياسة العامة للمدونة :)

سرحان يقول...

منطلقة بطموحي

علينا أخيتي؟ :) ههه مشكورة على التعليق :)

سرحان يقول...

ابو لطيف

إي حر حر.. الله يعطينا طول العمر و نشوف الألف قبل :) شاكرلك مرورك حبيبي

JiBLa CiTY يقول...

10. ليش أكو دكتور جامعي يكتب بالوطن عن الأخلاق و الفضيلة و هو عليه قضايا إعتداء جنسي بالمحاكم؟

أما هالدكتور هذا أشهر من نار على علم ., المشكلة انه جد على ماعتقد .. وتدري انه مايرضى 2 يدشون عنده المكتب؟. لازم كل وحده بروحها .. ومابي اكمل لأن المعلومات اللي عندي من مصادر موثوقة .

. ليش المواقع الكويتية و بالذات الحكومية ممكن اختراقها بسرعة؟

خذها من خبير .. اللي ماسكين المواقع اغلبها من الشركات بو طقة وشغل مناقصات بالباطن .. او يعطونها شباب توهم متخرجين ماعندهم خبرة .

. لي متى كله إيميلات "أستحلفك بالله ان ترسله لعشرين شخصا و لك الأجر" ؟

علشان غصب يطلع ايميله بالفورورد
:))

8. ليش ما يصير عندنا انترنت نفس اليابان؟ 1 GBPS ؟؟

تذكر كيمز وام تي سي ايام الاحتكار؟

شخصيا:

مبروك انت كويتي

:)

فريج سعود يقول...

واحنا اشذابحنا غير الي قلته ؟

هالاشياء تستاهل استجواب رئيس الوزراء مو الي الحين صاير

سرحان يقول...

jibla city

الله يبارك فيك.. و الله كريم!

سرحان يقول...

فريج سعود

خلها على الله... دام هذول نوابنا شتتوقع؟ الشرهة على اللي صعدهم

ZooZ "3grbgr" يقول...

لوووووووووووووووول

هاااااااا عشان جذي ما كتبته البوست اللي طاف

يمه منك منت هين كبرت بعيني والله

احب الاذكيا وايد

و بسميها الحنانة لين تنفذ طلب يدور في بالي بس لازم أتأكد من شغلة أول :)

وبعدين ماراح ازعل قول اني احن

بس شنو الطلب من عنوني افا عليك

عندنا جم سرحان افندي

وشنو تبي تتأكد منه

حيرتني يااا شيخ