الاثنين، ٢٧ أكتوبر ٢٠٠٨

و بعدين معاك؟

مع الإعتذار لعدم ذكر المصدر مسبقا عشان المصداقية و عشان ما يزعلون حبايبنا

الكويت...

إنهيار اقتصادي، إفلاس بنوك، تأزيم سياسي، استجوابات قادمة، تلويح بالحل، سرقات المال العام و إهداره، مستوى صحي متردي، منع من المشاركة الدولية للفرق الكويتية، حجب الحريات، رقابة على الكتب، مستوى تعليمي هابط، ترسيخ مباشر و غير مباشر للطائفية و القبلية...



و هايف... ساكت... و لما تكلّم...

"زي الشرطة النسائية مخالف للنصوص الشرعية لعدم إلزامه الحجاب"

مابي أوصخ مدونتي و أغلط عليه و على 12106 أشخاص مصوتين له !!

الله يسامحكم!! الله يسااااااااااااامحكم!!






أنا و أنت...


*****


تحديث



في ذمة الله

هناك ٣٢ تعليقًا:

أبو جيج يدور نعاله يقول...

هدى من روعك يا أخى

نحمد الله لأن عندنا نواب قادرين على تسليط الضوء و بدقة الليزر على القضايا الملحة

معلش يمكن آنا و إنت ما نهتم بقضية زى الشرطة النسائية بس هذا ما يمنع أن يكون لهذا النوع من القضايا متابعين و مهتمين

رحم الله إمرء عرف قدر نفسه...و أنا أفضل أن يستمر النائب هايف بالتصدى لهذا النوع من القضايا..المناسبة تماما لمؤهلاته و خبراته..أحسن بكثير من أن يخوض و (يفتى) بقضايا مصيرية ما يعرف كوعه من بوعه فيها...مثل ما يفعله بعض النواب (مو دويلة)

Yin مدام يقول...

وبعدين معاه ومع غيره ومع الحكومة ومع
الحرامية واللصوص ومثيري الأزمات والمتنفعين والمصلحجية و و و و و و هلم جرا

للأسف يمثل الشعب بالمجلس
وأرفض رفض تام أن يمثلني هو ومن على شاكلته ذووا العقول السطحية والدين الشكلي :(
الدنيا معفوسة وهو باله مع زي الشرطة النسائي !! زين خل تتخرج أول دفعة وبعدين سووا أزمة على زيهم جابلوا الديرة والمشاكل إللي انتخبكم الشعب عشان تحلونها !!

والله الروس نامت والعصائص قامت

وهيه يا إحباط......

سرحان يقول...

bo jaij

ما بقى فيها روع يبه! خلاص قاعد اتحبط! عمري أقل من 30 و فيني ضغط و من فترة لي فترة تحوشني نوبات سكر! قاعد يقتلني هايف أهو و ربعه.. مو معقوله كل ما أقرا اسمه و كلامه ضغطي يضرب بالعلالي!

سرحان يقول...

Yin

عفوا.. هذا ما يمثل الشعب... هذا صاعد من فرعية لقبيلة احترمها بشدة و لكن أعارض و بشدة أكبر ممارستها الغير قانونية.. و ليمثلها فقط!

لا يطلعلنا بسالفة كل يوم! شقني شق رفع ضغطي فوق الـ 170/100 !!

Yin مدام يقول...

هذا يمثل النسبة اللي إنتخبته ودامه دخل المجلس إذا هو يمثل الشعب ككل ولكن ليس باختيارنا وإنما باختيار الفئة الللي طلعته بالفرعية !!!!
ظلم مو؟!؟

ليش ليش ضغط وسكر وأنت أقل من ال30!!!
الله يعينك احنا في زمن هالنوعية من النواب وراح يزيدون دام ماكو تطبيق للقانون "خل يحطون قوانين سنعة بالأول"
شوف الوضع العام
ينحدر تحدرا إنحدارا

يعني شد حيلك وقوي نفسك للي ياي
وشدي يا أزمة تنفرجي
راح أأمل إننا في عنق الزجاجة وإن طال عنقها فلابد أن تنتهي

لوووول
Bo jaij
"مو دويلة"
هذا بتاع كله وعليه حكم ولا كونفوشيوس
اقراله واضحك قهراً
بالذمة هذا مجلس أمة؟!؟!؟

سرحان يقول...

yin

مو مجلس... سوق بو 100 و انت صاج

سيدة التنبيب يقول...

ما يسوى هالهايف أنه يرفع ضغطك
لازم تتعود عليه خلاص واقع و انفرض علينا

و أنا مع أخوي بوجيج .. خله بهالمستوى لا يطلع منه أبرك لنا ، على الأقل عارفين طريقة تفكيره وحدود عقليته
و على قولتك الله يسامح اللي انتخبوه

دير بالك على صحتك اهتم بالأكل و النوم و لا تدخن رجاءا

UmmEl3yal يقول...

آسفة ,, بس الله لا يسامحهم ولا يسامحه !

Ω Suki Candy Ω يقول...

صحيح انا اتفق مع ام العيال الله لايسامحه ولا يسامحمهم يعني الناس والدنيا مشغولين بشغله مهمه وهذا ايلي و يصرح اقولك ليش مايصير خياط مجلس الامه اهو يخيط و اهم يلبسون هذا الي بصراحه قاعد اشوفه لا من نواب ولا من حكومه ولا وزراء يحطون حد حق هالمهازل و السخافه الي قاعد تصير بالمجلس الفاشل و احساسي يقول لي اخر السنه المجلس بينحل

الـبـيـرق يقول...

أنـت هـوووووووب

لـيـش حـاط الـعـلـم ؟! :@

مـا تـدري أن أبـن بـاز قـال الـعـلـم بـدعـة و الـوقـوف لـه بـدعـة :@

و مـا تـدري أن الـشـيـخ الـفـاضـل حـامـي الأمـة الأسـلامـيـة و مـحـرر الـقـدس بـأذن الله مـحـمـد هـايـف الـمـطـيـري مـا وقـف للـعـلـم .. تـرا الـشـيـخ هـايـف قـدوتـنـا و ألـي مـا يـطـبـق ألـي يـسـويـه هـايـف تـرا راح يـخـرج مـن الـمـلـة و نـطـبـق عـلـيـه حـكـم الـردة :d

هـزلـت و الله حـتـى الـعـلـم يـا سـرحـان مـا أحـتـرمـوه
الـعـلـم مـا سـلـم مـنـهـم !!


يـعـنـي الـتـبـن شـفـيـه ؟! مـو طـعـام ؟! خـل يـاكـلـه هـايـف أحـسـن :)

غير معرف يقول...

12,106 انسان عبيط في الكويت على أقل تقدير

هذه معلومة مؤكدة علمياً

سرحان يقول...

Yin

توني أستوعب

تصحيح: و انتي صاجة :d

سرحان يقول...

سيدة التنبيب

سيدتي، التدخين بهالوضع يصير بدون زقاير.. دخاني مني و فيني!

سرحان يقول...

أم العيال

مادري شقوللج

سرحان يقول...

tranquility

ننطر و نشوف

سرحان يقول...

البيرق برقوق

عساهم ما يرضون، ديرتي و علمي و مدونتي و كيفي

سرحان يقول...

غير معرف

لو تبي تاخذ المتوسط الحسابي راح تطوف 900 ألف

الدســتور يقول...

وجهة نظر
:)

يبي نفس لبس ايران

nEo يقول...

متى ينزل البومه النائب الجميل ؟

سرحان يقول...

abu aldestor

لا لا.. يبيهم نفس IRON MAN

سرحان يقول...

neo

افا و الله افا !! طلعت مو متابع للساحة الفنية؟

نزّل الألبوم أخير بإسم "أحجبك آه.. أشوفك لا"

و فيه اغاني قوية صراحة...


1- نشيد وطني "أنا فرعي انا"
2- أغنية "سكت و المنع تكلم"
3- اغنية "يا نسيم الحجب"
4- اغنية "إنت فين و الدستور فين"
5- موال حزين "يا موضي يا أخت القمر"
6- موال حزين "سلامتها أم عادل"
7- أغنية "العيون الخضر" و حاط يمها إهداء حق خالد السلطان.
8- اغنية "ميت فل" و يهديها حق ربع الفرعي.
9- أغنية "هز يا حب هز" و يهديها حق الخرافي.
10- أغنية "يا دنيا بتحيري الغلبان" و يهديها للشعب الكويتي

متوفر بكل "المكتبات" و محلات التسجيلات

Unknown يقول...

سرحان
لحيةٍ تحشمه ولحيةٍتحشم عمرك عنها

دعوه للتفائل على مدونتي حياك

الله يرحمك ياحسين

سرحان يقول...

احمد سالم

صدقت

الله يحييك :)

Nouri يقول...

اخوي سرحان ممكن اعرف من وين حصلت صورة العلم لأنه هذي الصورة انامصورها و حاطها في سايت فلكر مالي فلو سمحت ممكن تشيلها او تحط الكردت مال الصورة و تبين منو مصورها و من وين انت يايبها... يعني احنا نحارب و نعادي سراق المال العام و لا نجابل سراق حقوق الملكية الفكرية

و هذا اللنك مال الصورة
http://www.flickr.com/photos/nouriq8/471586753/
عشان لا تقول اني قاعد العب عليك يعني ما خلصت من تلفزيون الفتن يطلعلي البلوقرز مو عيشة هذي

سرحان يقول...

أفا يا nooni

اللنك و الـ CREDIT بينحطون من عيوني الثنتين، و حقيقة أنا دورت بـ Google و لقيت الصورة و حطيت اللنك مباشرة من دون النظر إلى المصدر أو مصورها للأسف و أنا كلي إعتذار لك :)

و على فكرة، لو الصورة مو حلوة ما أحطها، و تسلم الأيادي يا nooni

Nouri يقول...

حبيب يا سرحان

بس و الله من الحره كلمن خمطله صوره و حطها

حبيبي السايت بكبره تحت امرك بس لا تنسى الكرديت

و مشكوووووووووووووور و ما تقصر

سرحان يقول...

nooni

حاس فيك و الله، و أنا لو مكانك أسوي نفس إللي إنت سويته :)

ليش ما تستخدم WaterMarks على صورك؟

ياليت تتقبل هديتي بتصميم WaterMark راح أرسله لك بالإيميل عشان تستخدمه بصورك و يكون علامة مميزة لك، لحماية حقوقك الفكرية :)

تشرفت بمعرفتك و معرفة فنك :)

أخوك سرحان

ZooZ "3grbgr" يقول...

وإن حلوا المجلس بيفوز مرة ثانية
هذا بلاء من رب العالمين
عفيه دش يوتيوب وشوف فيديواته

سرحان
إن كان الخيط هذا تقصد فيه اللي باقي بينك وبينه فآنا من أول ما طلع وآنا عندي بري جدجمنت عليه مع اني ما احب أتسرع بس لكل قاعده شواذ!!

تدري آنا عندي بالعكس خله ساكت بهالمواضيع خله يكرمنا بسكوته لأنه إن نطق ودش بالمواضيع اللي تهم البلد صدقني بيخربها وبيعطيك تصريحات تخليك تترحم على الشرطي الإسلامي

ZooZ "3grbgr" يقول...

بعدين سرحان
عسى ما شر
شاللي مخليك تاخذ على خاطرك
:")

سرحان يقول...

zooz

اول شي، من طوّل الغيبة جاب الغنايم :)

شفت فيديواته ولا شللي خلاني أموت في دباديبه؟ أما بالنسبة للخيط.. فهو ما تبقى بيننا و بين الوطن الذي أوشك على الإنهيار... بس باقي من يقص هالخيط و يبدي "الفصل الأخير من المسرحية"

اللي مخليني آخذ على خاطري هو إنقطاعج :d بس يالله سامحناج :)

ZooZ "3grbgr" يقول...

والله سامحني يا سرحان شغل وايد الاسبوعين اللي فاتوا بالدوام بعدها قلت اخذ اجازه استمتع بفلووو هههههههه الحين حراة وحالتي حالة بس ما اقطع انشاالله

سرحان يقول...

يعطيج العافية
و ما تشوفين شر إن شالله :)
مسموحة يا اخيتي :)